သြဂုတ် ၂၅ရက်

• ကိုဗစ်ကာလမှာ တိုက်ခိုက်မှုတွေမလုပ်ဖို့ AA ကိုတပ်မတော်ပြော
• ရန်ကုန်မြို့ မုဒိတာအိမ်ယာ(၂) တွင် နေထိုင်သူ ၁ ဦးကို Quarantine စင်တာသို့ ပို့ဆောင်

ရခိုင်ပြည်နယ်တွင် ပြီးခဲ့သည့် သြဂုတ် ၁၆ရက်မှစတင်ကာ တစ်ပတ်အတွင်း မြို့နယ် ၄ ခုတွင် COVID-19  ကူးစက်ခံထားရသူ ၈၂ဦးရှိပြီဖြစ်ကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။

• ရခိုင်ပြည်နယ်တွင် တာဝန်ထမ်းဆောင်ရန် အစိုးရစရိတ်ဖြင့် စေတနာ့ဝန်ထမ်း ၁၅၀ ဦး ခေါ်ယူမည်
• မြောက်ဦးက စစ်ဘေးရှောင်စခန်းများကို အသွားအလာကန့်သတ်ထား

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က''စစ်တွေက ပြည်သူတွေနဲ့ တခြားကူးစက်မယ်လို့ ခန့်မှန်းရတဲ့ မြို့နယ်တွေက ပြည်သူတွေကို ကျန်းမာရေးစစ်ဆေးမှုပေးမယ်။ ကုသမှုလည်းပေးပါမယ်။ လိုအပ် သလို အားလုံးဆောင်ရွက်ပေးပါမယ်။ အထူးအစီအစဉ်တွေလည်း ချမှတ်ပြီး ပါပြီ''ဟု ရခိုင်ပြည်နယ်အတွင်း COVID-19 ရောဂါဖြစ်ပွားမှု နောက်ဆုံး အခြေအနေများနှင့်စပ်လျဉ်း၍ ပြည်သူသို့ အစီရင်ခံတင်ပြသည့် မိန့်ခွန်းတွင် ထည့်သွင်း ပြောကြားသည်။

• သံတွဲမှ ပြန်လာသူ ၂ ဦးကို COVIDရောဂါ သံသယဖြင့် ကွာရန်တင်းဝင်ရန် နေအိမ်သို့လာရောက်ခေါ်ဆောင်
• စစ်တွေတွင် ဈေးက ကိုဗစ်-၁၉ အဓိက ပြန့်ပွားသည့်နေရာဟု အာဏာပိုင်များသုံးသပ်

ရခိုင်ပြည်နယ်ရှိ အတည်ပြုလူနာ ၈၂ဦးသည် စစ်တွေမြို့မှ ၇၃ဦး၊ မြောက်ဦးမြို့မှ ၃ဦး၊ သံတွဲမြို့မှ ၂ဦးနှင့် ဘူးသီးတောင်မြို့မှ ၄ဦးတို့ဖြစ်သည်။

• ဆရာဝန်နှင့် သူနာပြု ၂၄ ဦး စစ်တွေသို့ ရောက်ရှိ
• စစ်တွေတွင် ယနေ့နံနက်ပိုင်း ပိုးတွေ့လူနာ ၁၆ ဦးထပ်တွေ့

စစ်တွေမြို့က တွေ့ရှိသူ ၇၃ ဦးထဲတွင် သြဂုတ် ၂၄ရက်ညပိုင်းက ထပ်မံတွေ့ရှိသည့် အတည်ပြုလူနာများထဲမှကမာရွတ်မြို့နယ်လိပ်စာဖြင့် ထည့်သွင်းထားသော အသက် ၂၃ နှစ်အရွယ် လူနာအမှတ် ၄၆၄ ပါဝင်သည်။သူသည် သြဂုတ်၂၀ရက်နေ့က စစ်တွေမြို့မှ လေယာဉ်ဖြင့် ပြန်လာပြီး လှိုင်မြို့နယ် ကွာရန်တင်းစင်တာတွင်အသွားအလာကန့်သတ်ခံထားရသူလည်းဖြစ်သည်။

• ရခိုင်ပြည်နယ်တွင် ၅ ရက်အတွင်း COVID-19 အတည်ပြုလူနာ ၄၅ ဦးရှိ

ဘူးသီးတောင်မြို့နယ်မှပိုးတွေ့လူနာ ၄ ဦးသည်  သြဂုတ် ၂၄ ရက်နေ့ ညအတည်ပြုလူနာစာရင်းထုတ်ပြန်ရာတွင် ပါဝင်လာသော COVID-19ကူးစက်ခံရသောမြို့နယ်အသစ်လည်းဖြစ်သည်။ဒီလူနာ ၄ဦးအနက် ၃ဦးသည် ပြည်ပခရီးသွားရာဇဝင်မရှိသကဲ့သို့ ရောဂါပိုးရှိသူနှင့် ထိတွေ့မှုမရှိသော်လည်း စစ်တွေမြို့သို့သွားထားသည့် ခရီးသွားရာဇဝင်ရှိ၍ အသွားအလာကန့်သတ်ထားသူများဖြစ်သည်။ လူနာအမှတ်(၄၇၀)သည် လူနာအမှတ် (၄၁၃)နှင့် ထိတွေ့မှုရှိခဲ့ကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။

• စစ်တွေနှင့်မြောက်ဦး ကိုဗစ်-၁၉ လူနာ ၁၉ ဦးတွင် ကျန်းမာရေးဝန်ထမ်း ၂ ဦးပါဝင်နေ
• စစ်တွေမြို့တွင် COVID-19 စည်းကမ်းသတ်မှတ်ချက်များ တင်းကျပ်

ဘူးသီးတောင်မြို့နယ် ပြည်သူ့ဆေးရုံမှ ဆေးရုံအုပ် ဒေါက်တာစောမင်းသိန်းက"(၄၆၇)ကကျတော့ သူက စစ်တွေမှာ အော်ပရေးရှင်းလုပ်ထားတယ် ပေါင်အရိုးကျိုးလို့။ (၄၆၈)က ကျတော့ စစ်တွေမှာကျောင်းတက်နေတာ။ ဘော်ဒါဆောင်မှာကျောင်းတက်နေတာ တက္ကသိုလ်ဝင်တန်းကျောင်းသူ။ (၄၆၉)ကတော့ စစ်တွေကို ၂ရက်ပဲသွားထားတာ အသွားအပြန်ပဲသွားထားတာ။ စစ်တွေမှာ ဟိုဟို ဒီဒီလျှောက်သွားထားတာတော့မရှိဘူး။ ဘူးသီတောင်ကို ၂၁ရက်နေ့က အကုန်ရွှေပြည်တန်နဲ့ရောက်လာတာ"ဟု ပြောသည်။

• စစ်တွေမြို့တွင် ဘယ်ကကူးစက်မှန်းမသိသည့် COVID-19လူနာ ၄ ဦးရှိလာ
• စစ်တွေမြို့ရှိ CB Bank ဘဏ်ခွဲကို ၂ ရက်ပိတ်ထားမည်

လူနာအမှတ်(၄၆၇)နှင့် အတူနေမိသားစုများအား ဓာတ်ခွဲနမူနာစစ်ဆေးထားပြီးဖြစ်ကာ ၎င်းတို့သည် Negative(ရောဂါပိုးမတွေ့ရှိ)ဖြစ်ကြောင်း၊ လူနာအမှတ်(၄၆၈)နှင့် (၄၆၇)တို့ဖြင့် ထိတွေ့ခဲ့သူများအား စုံစမ်းစစ်ဆေးနေဆဲဖြစ်ကြောင်း သိရသည်။

• နှာခေါင်းစည်း ဈေးနှုန်းအဆမတန်တင်ရောင်းနေသူများအား အရေးယူမည်
• ရခိုင်ပြည်နယ်တွင် COVID-19 ကူးစက်ခံထားရသည့် ကျန်းမာရေးဝန်ထမ်း ၁၀ဦးအထိရှိလာ

ပြီးခဲ့သည့် သြဂုတ်လ ၁၆ရက်နေ့ကစတင်ကာ ဘဏ်ဝန်ထမ်းအမျိုးသမီးထံတွင် ခရီးသွားရာဇဝင်မရှိ၊ ရောဂါပိုးရှိသူနှင့် ထိတွေ့မှုမရှိဘဲ ကူးစက်ခံရခြင်းဖြစ်ကာ ပြည်နယ်အတွင်း ဒေသသတွင်းကူးစက်မှု ပြန်လည်ဖြစ်ပွား ခဲ့သည်။    ရခိုင်ပြည်နယ်တွင် ကူးစက်ခံထားရသူ ၈၂ဦးတွင် ကျန်းမာရေးဝန်ထမ်း ၁၀ဦးပါဝင်သလို စစ်ရှောင်စခန်း၅ခုသို့ သွားရောက်ခဲ့သူ၃ဦးပါဝင်သည်။

 စစ်တွေမြို့တွင် ပြန့်ပွားနေသည့် COVID-19 ရောဂါပိုးမှာ ဈေးမှ စတင်ပြန့်ပွားခြင်း ဖြစ်နိုင်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သြဂုတ် ၂၄ရက်နေ့က ရခိုင်ပြည်နယ်အတွင်း COVID-19 ရောဂါဖြစ်ပွားမှု နောက်ဆုံး အခြေအနေများနှင့်စပ်လျဉ်း၍ ပြည်သူသို့ အစီရင်ခံတင်ပြသည့် မိန့်ခွန်းတွင် ထည့်သွင်းပြောဆိုခဲ့သည်။

" ကျန်းမာရေးနှင့်အားကစား ဝန်ကြီးဌာနရဲ့ တွေ့ရှိချက်အရဆိုရင် စစ်တွေမြို့မှာ ရောဂါပိုးပြန့်ပွားတဲ့ အဓိကနေရာဟာ ဈေးကလို့ သုံးသပ်ပါတယ်။ ဘာဖြစ်လို့လဲဆိုတော့ အခု ရောဂါစွဲကပ်နေပြီလို့ တွေ့ရှိရတဲ့ ပြည်သူတွေရဲ့ အသိုင်းအဝိုင်း၊ အနေအထားကို ကြည့်လိုက်တဲ့အခါမှာ ဒီဈေးကနေ ရောဂါကူးစက်မှုဟာ အများဆုံးလို့ သုံးသပ်ပါတယ်။ ဒါကြောင့် ဈေးသွားတဲ့ ကျွန်မတို့ ပြည်သူပြည်သားများ သတိထားကြပါ" ဟု ဒေါ်အောင်ဆန်းစုကြည် က ဆိုသည်။

မြန်မာနိုင်ငံတွင် သြဂုတ် ၂၄ရက် ညပိုင်းအထိ အတည်ပြုလူနာ ၄၇၄ဦးရှိပြီး ရောဂါပိုးကင်းစင်သူ ၃၄၂ဦးရှိသည့်အနက် ၃၃၅ဦးအား ဆေးရုံမှ ဆင်းခွင့်ပြုကာ သတ်မှတ်နေရာများတွင် အသွားအလာကန့်သတ်စောင့်ကြပ်ကြည့် ရှုလျက်ရှိကြောင်း ကျန်းမာရေးဝန်ကြီးဌာနမှ သိရသည်။