ကြီးလေးကြီးတွေ့ဆုံမှုက ရွေးကောက်ပွဲကော်မရှင် ထုတ်ပြန်သည့်ရလာဒ်ကို သက်ရောက်မှုမရှိနိုင်

ကြီးလေးကြီးတွေ့ဆုံမှုက ရွေးကောက်ပွဲကော်မရှင် ထုတ်ပြန်သည့်ရလာဒ်ကို သက်ရောက်မှုမရှိနိုင်

နေပြည်တော်၊ နိုဝင်ဘာ ၁၂ ။ ။ ကြီးလေးကြီးတွေ့ဆုံရန် ဒေါ်အောင်ဆန်းကြည်မှ တောင်းဆိုမှုကြောင့် UEC က တရားဝင် အတည်ပြု ထုတ်ပြန်ထားသည့် အနိုင်ရလာဒ်များ အပြောင်းအလဲမဖြစ်နိုင်ကြောင်း UEC အဖွဲ့ဝင် ဦးမြင့်နိုင်က ပြောကြားသည်။

ပြည်သူ ရွေးချယ်ထားသည့် ကိုယ်စားလှယ်လောင်းအား ဥပဒေနည်းဖြင့်သာ အပြောင်းအလဲ ပြုနိုင်ကြောင်းနှင့် ကြီးလေးကြီးတွေ့ဆုံရန် တောင်းဆိုမှုကြောင့် လက်ရှိတရားဝင်ရလာဒ် အပြောင်းအလဲမဖြစ်နိုင်ကြောင်း ယနေ့ ပြည်ထောင်စု ရွေကောက်ပွဲကော်မရှင်ရုံး၌ ညနေ ၄ နာရီက ပြုလုပ်သည့် သတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။

ကြီးလေးကြီးတွေ့ဆုံရာ၌ ပါဝါရှယ်ယာနှင့် ပတ်သက်တဲ့ ညှိနှိုင်းမှုတွေများ ပါလာခဲ့လျင် လက်ရှိ ကြေထားသည့် တရားဝင် ရွေးကောက်ပွဲအဖြေရလာဒ်က အတည်ပြုထားသည့် ရလာဒ်က အပြောင်းအလဲ ဖြစ်ပေါ်နိုင်မလားဆိုသည့် မေးခွန်းအပေါ် ပြည်ထောင်စု ရွေးကောက်ပွဲကော်မရှင် ဦးမြင့်နိုင်က ဖြေကြား ခဲ့ခြင်းဖြစ်သည်။

“ရွေးချယ်ထားတဲ့လူတစ်ယောက်ကို ကျွန်တော်တို့ ဒီလိုပြောင်းလို့မရပါဘူး" ဟု အဖွ့ဲဝင်ဦးမြင့်နိုင်က ပြောသည်။

သို့သော် ရွေးကောက်ပွဲရလာဒ်ကြေညာအပြီး၌ တစ်ဖက်မှ ကိုယ်စားလှယ်လောင်းက လွှတ်တော်ရွေးကောက်ပွဲ ဥပေဒေပါအတိုင်း တိုင်ကြား၍ တရားမဲ့ အနိုင်ရကြောင်း ထင်ရှားမှသာလျှင် ယခုအနိုင်ရလာဒ်မှ ပြောင်းလဲနိုင်ကြောင်း ဦးမြင့်နိုင်ကဆိုသည်။

ဒေါ်အောင်ဆန်းဆုကြည်သည် သမ္မတဦးသိန်စိန်၊ ပြည်ထောင်စုလွှတ်တော်နာယက သူရဦးရွှေမန်း၊ တပ်မတော် ကာကွယ်ရေးဦးစီချုပ် ဗိုလ်ချုပ်မှူးကြီးမင်းအောင်လှိုင် တို့နှင့် တွေ့ဆုံရန် နိုဝင်ဘာလ(၁၀)ရက်က ကမ်းလှမ်းခဲ့ပြီး တွေ့ဆုံမည့်အကြောင်း သုံးဦးလုံးက ပြန်လည်အကြောင်းပြန်ကြားထားသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly