ဗြိတိန်တွင် လူနည်းစုတိုင်းရင်းသားများနှင့် သက်ဆိုင်သည့် အသံလွှင့်ဌာနတစ်ခုသည်“ ဂျီဟတ်သီချင်းစာသားများ” ပါဝင်သော ဆော်သြချက်ပါသည့် ဓမ္မသီချင်းတစ်ပုဒ်ကို ထုတ်လွှင့်ပြီးနောက် ရေဒီယိုအသံလွှင့်ဌာနသည် ဒဏ်ခတ်မှုကို ရင်ဆိုင်ရနိုင်သည်ဟု ရုပ်သံထုတ်လွှင့်မှုစောင့်ကြည့်ရေးအဖွဲ့က ပြောကြားခဲ့သည်။

ရှက်ဖီးမြို့အခြေစိုက်သည့် Link FM သည် Nasheedဟု လူသိများသည့်ဓမ္မသီချင်းကို ၂၀၂၀ပြည့်နှစ်၊ ဒီဇင်ဘာလတွင် နံနက်ခင်းပြသသည့်အစီအစဉ် ၂ ခုတွင်၂ ကြိမ် ထုတ်လွှင့်ခဲ့သည်။

ထုတ်လွှင့်ပြီးနောက် စည်းကမ်းထိန်းသိမ်းရေးဌာန Ofcomအဖွဲ့သို့ တိုင်ကြားချက် ၄ ခု ရရှိခဲ့သည်။

သြဂုတ်လ ၁၀ရက်က ထုတ်ဝေခဲ့သော အစီရင်ခံစာတစ်ခုတွင် Ofcom၏ ပြောကြားချက်အရ နားထောင်သူများက Nasheedကို “ အကြမ်းဖက်မှုကို အားပေးအားမြှောက်ပြုသော” ဂျီဟတ်သီချင်းစာသားများပါဝင်သော Jundallahဟု ခေါ်ဝေါ်ခဲ့သည်။

Ofcomသည် Nasheed၏ သီချင်းစာသားကို ဘာသာပြန်ခဲ့ပြီးနောက် ယင်းသည် ထုတ်လွှင့်မှုဆိုင်ရာ စည်းမျဉ်း ၂ ချက်ကို ချိုးဖောက်ခဲ့သည်ဟု ကောက်ချက်ချခဲ့သည်။

အစီရင်ခံစာတွင် Nasheedsသည် အစ္စလာမ်ဘာသာရေးယုံကြည်မှုကို ကောင်းစွာ ဖော်ပြသည့် ဓမ္မတေးတစ်ပုဒ်ဖြစ်ပြီး “အကြမ်းဖက်သံများမပါရှိသော နူးညံ့သိမ်မွေ့သော ဘာသာရေးသတင်းစကား” ဟု နားလည်ကြောင်း စောင့်ကြည့်ရေးအဖွဲ့က ဆိုခဲ့သည်။

သို့သော် “ Jihadi Nasheed” ဟု လူသိများသော နောက်ဆုံးပေါ် Nasheedsအမျိုးအစားသည်“ စစ်ပွဲကဲ့သို့ အသံအနေအထား၊ အမြင့်သံစဉ်နှင့် ကြမ်းတမ်းသော ဂျီဟတ်ဇာတ်ကြောင်းကို ဖန်တီးအသုံးပြုရန်” တို့က ပိုများလာကြောင်း ထပ်လောင်း ဆိုခဲ့သည်။

ရေဒီယိုအသံလွှင့်လုပ်ငန်းပိုင်ရှင်ဖြစ်သော ပါကစ္စတန်မွတ်စလင်စင်တာက စည်းကမ်းချိုးဖောက်မှုတစ်ခုဖြစ် ပွားခဲ့သည်ကို နားလည်ကြောင်းနှင့် ယင်းအမှားအတွက် အနူးအညွတ်တောင်းပန်ပါကြောင်း ဆိုခဲ့သည်။