တရုတ်အစိုးရက စည်းကမ်းထိန်းချုပ်မှု တင်းကြပ်လိုက်သဖြင့် ရင်းနှီးမြှပ်နှံသူများ၏ စိုးရိမ်ပူပန်မှုများ ကြောင့် ရှယ်ယာဈေးနှုန်း မတည်ငြိမ်မှုများ ဖြစ်ပေါ်ခဲ့သည်။ အစုရှယ်ယာများ ဇူလိုင်လ ၂၈ရက်တွင် ကျဆင်းသွားခဲ့ပြီး အစောပိုင်းက အရှုံးပေါ်ခဲ့သော်လည်း အစိုးရပိုင် ဘဏ္ဍာရေးမီဒီယာက အခြေအနေ တည်ငြိမ်မှုရှိရန် တိုက်တွန်းမှုကြောင့် ပြန်လည်ကောင်းမွန်လာခဲ့သည်။

ရှန်ဟိုင်းစတော့အညွှန်းကိန်းသည် ၂ ရာခိုင်နှုန်းထိကျဆင်းခဲ့သော်လည်း နံနက်ပိုင်းစတော့ ဈေးဖွင့်ချိန် မကုန်ဆုံးမီ အညွှန်းကိန်းသည် ဝ ဒသမ ၅၉ ရာခိုင်နှုန်းသာ ကျဆင်းတော့သည်။

ပထမတန်းစားကုမ္ပဏီကြီးများ၏ CSI300 အညွှန်းကိန်းသည် နံနက်ခင်းတွင် ဈေးကျခြင်းကြောင်း ဖြစ်ပေါ် ခဲ့သော အရှုံးကို ပြန်ထေပေးနိုင်ခဲ့သော်လည်း ယခုတစ်ပတ်အတွက် ၆ ဒသမ ၆ ရာခိုင်နှုန်းကျော်ကျဆင်းခဲ့သည်။

ဟောင်ကောင်တွင် အထင်ကရဖြစ်သည့် Hang Seng အညွှန်းကိန်းသည် အတက်အကျ ဖြစ်နေသော် လည်း ဇူလိုင်လ ၂၇ရက်က ၈ လတာအတွင်း အနိမ့်ဆုံးသို့ ကျဆင်းပြီးနောက် ဇူလိုင် ၂၈ရက် မွန်းတည့် ချိန်တွင် ဝ ဒသမ ၂၄ ရာခိုင်နှုန်းကျဆင်းသွားခဲ့သည်။ ဟန်ဆန်တရုတ်လုပ်ငန်းများအညွှန်းကိန်းသည် ဝ ဒသမ ၃၈ ရာခိုင်နှုန်း မြင့်တက်ခဲ့သည်။

ဟောင်ကောင် China Renaissance မှ အစုရှယ်ယာများဆိုင်ရာအကြီးအကဲ အန်ဒီမေနာ့ဂ်က ဇူလိုင်လ ၂၈ရက် ဈေးကွက်အခြေအနေသည် ကြောက်စိတ်ကြောင့်သာ ဖြစ်သည်ဟုဆိုသည်။

ဇူလိုင်လ ၂၇ရက်က ရှယ်ယာဈေးနှုန်းများ စံချိန်တင်ကျဆင်းခဲ့သော Hang Seng Tech အညွှန်းကိန်းသည် အနည်းငယ်သာ ကျဆင်းခဲ့သည်။ တရုတ် ပြည်မကြီး၏ အိမ်ခြံမြေလုပ်ငန်းများအညွှန်းကိန်းသည် ဝ ဒသမ ၄၅ ရာခိုင်နှုန်းကျဆင်းခဲ့သော်လည်း ဟောင်ကောင်အိမ်ခြံမြေလုပ်ငန်းများသည် ၁ ဒသမ ၅ ရာခိုင်နှုန်းမြင့်တက်ခဲ့သည်။

တရုတ်ပြည်မကြီးနှင့် ဟောင်ကောင်ဈေးကွက်များတွင် စတော့ဈေးကွက် စာရင်းဝင်ထားသော ပညာရေးကုမ္ပဏီများအား စောင့်ကြည့်သော CSI အညွှန်းကိန်းသည် ဝ ဒသမ ၅၂ ရာခိုင်နှုန်းကျဆင်းခဲ့သည်။