ပါကစ္စတန်နိုင်ငံ၊ ကရာချိမြို့ ကလစ်တန်ဧရိယာတွင် စစ်တပ်အရာရှိတစ်ဦး၏ ပုဂ္ဂလိက လုံခြုံရေးတစ်ယောက်နှင့် ရဲများ မီးပွိုင့်ကိစ္စရပ်နှင့် ပတ်သက်ပြီး ခိုက်ရန်ဖြစ်ပွားမှုကြောင့် အနည်းဆုံးရဲတပ်သား ၂ ဦး ထိခိုက်ဒဏ်ရာရခဲ့သည်။
ယင်းဖြစ်စဉ်သည် ဇူလိုင် ၄ရက် ည ၉ နာရီခန့်တွင်ဖြစ်ပွားခဲ့သည်ဟု အမည်မဖော်လိုသူ ရဲအရာရှိနှစ်ဦးက Dawn News သို့ ပြောကြားခဲ့သည်။
“ အရပ်အဝတ်အစားများ ဝတ်ဆင်ထားသည့် စစ်တပ်မှ ဗိုလ်မှူးတစ်ဦး နှင့် သူ၏ အစ်ကိုဖြစ်သူ ရှေ့နေတို့ သည် သူတို့၏ ကိုယ်ပိုင်ကားဖြင့် ခရီးသွားလာစဉ် ခါရာဘန်အိုင်တော်ဟိတွင် ယာဉ်ကြောပိတ်ဆို့မှုနှင့် ကြုံတွေ့ခဲ့ရသည်” ဟု သူတို့ထဲမှ တစ်ဦးက သတင်းစာကို ပြောကြားခဲ့သည်။
စစ်တပ်အရာရှိက လမ်းကြောင်းရှင်းလင်းပေးရန် ရဲများအား ပြောကြားခဲ့သည်ဟု သိရှိရသည်။
“ ဒီကိစ္စနဲ့ပတ်သက်ပြီး အပြန်အလှန် စကားများခဲ့ရာမှာ ဗိုလ်မှုးက ရဲအရာရှိတစ်ယောက်ကို သူ့ကားဖြင့် ခေါ်ဆောင်၍ မောင်းထွက်သွားခဲ့သည်” ဟု အရာရှိက ပြောသည်။
ထိုအချိန်မှာပင် ကင်းလှည့်နေသောရဲတပ်ဖွဲ့ နှစ်ဖွဲ့က သည် ကလစ်တန်ရှိ ပုဂ္ဂလိကဆေးရုံအနီးတွင် ဗိုလ်မှုးကားကို ရပ်တန့်လိုက်ရာ သူ၏“ ပုဂ္ဂလိကလုံခြုံရေး” နှင့် ရဲအရာရှိများအကြား ခိုက်ရန် ဖြစ်ပွားခဲ့ကြောင်း Dawn News က ဖော်ပြခဲ့သည်။
“ဒီလို ဖြစ်ပွားရာမှာ ရဲတပ်သားများဖြစ်သည့် ဝါကွစ်နှင့် အာနန်တို့သည် သေနတ်ဒင်ဖြင့် ရိုက်နှက်မှုကြောင့်ဒဏ်ရာရရှိခဲ့သည်” ဟု ရဲအရာရှိက ပြောကြားခဲ့သည်။
ယင်းကိစ္စကို နှစ်ဖက်ဆွေးနွေးဖြေရှင်းလိုက်ပြီး ရဲက အရေးမယူခဲ့ကြောင်း ရဲအရာရှိက Dawn News သို့ ပြောကြားခဲ့သည်။
