ဇွန် ၂၅
ဧရာဝတီတိုင်းဒေသကြီး ပုသိမ်မြို့ ကုန်သည်လမ်းမကြီးပေါ်က လုံခြုံရေးတင်းကြပ်ထားတဲ့ ခရိုင်ရဲရုံးဝန်းအတွင်း ဇွန်လ ၂၄ ရက်နေ့ ညနေပိုင်းက ဗုံးပစ်ခံခဲ့ရတယ်လို့ သိရပါတယ်။
ညနေ ၆ နာရီ လောက်မှာ ဆိုင်ကယ်နဲ့လူနှစ်ဦးက ခရိုင်ရဲရုံး အမိုးပေါ်ကိုလာရောက်ပစ်တင်သွားရာမှာ အမိုးပေါ်ကို မရောက်ဘဲ ခြံဝန်းထဲကို ကျကာ ပေါက်ကွဲမှုမဖြစ်ခဲ့ဘူးလို့ သိရပါတယ်။
"မနေ့က ညနေပိုင်း လာပစ်သွားတာဗျ၊ ခေါင်မိုးပေါ်ကိုပစ်တင်တာပါ၊ အထုပ်က အမိုးပေါ်ကိုမရောက်သလို ပေါက်လဲမပေါက်သွားဘူး၊ အဲ့တာကြောင့် ရဲအသိုင်းအဝိုင်းက သတင်းဖုံးထားတာ" လို့ ခရိုင်ရဲရုံးက ရဲဝန်ထမ်းတစ်ဦးကပြောပါတယ်။
စစ်အုပ်စုက အာဏာသိမ်းပြီးနောက်ပိုင်း ပုသိမ်မြို့မှာ ဗုံးပေါက်ကွဲမှု ၇ ကြိမ်အထိဖြစ်ပေါ်ခဲ့တယ်လို့သိရပါတယ်။