ဇွန် ၂၀
အာဏာသိမ်းမှုကို ရှုံ့ချပြီး “မြန်မာနိုင်ငံကို လက်နက်မရောင်းဖို့” “ဖမ်းဆီးထားသူတွေကို ပြန်လွှတ်ဖို့” နဲ့ အကြမ်းဖက်မှုတွေကိုရပ်ဖို့ ကုလသမဂ္ဂအထွေထွေညီလာခံက ဆုံးဖြတ်ချက်ချခဲ့တာပါ။
ဒီကိစ္စနဲ့ပက်သက်လို့ စစ်အုပ်စုလက်အောက်ခံ နိုင်ငံခြားရေးဝန်ကြီးဌာနက “ နိုင်ငံတော်၏ အချုပ်အခြာ အာဏာကို ထိခိုက်စေသည့် ပြည်တွင်းရေးကို ဝင်ရောက် စွက်ဖက်မှုမျိုးကို လက်ခံမည်မဟုတ် ” ဆိုပြီးထုတ်ပြန်ကန့်ကွက်လိုက်တာဖြစ်ပါတယ်။
“ ကန့်ကွက် ပယ်ချ ကြောင်းစာကို စစ်ကောင်စီက ကုလသမဂ္ဂအတွင်းရေးမှူးချုပ်နဲ့ ကုလသမဂ္ဂ အထွေထွေညီလာခံ သဘာပတိတို့ထံ ကန့်ကွက်စာများ ပေးပို့ခဲ့တယ်” လို့လဲသိရပါတယ်။
ကုလသမဂ္ဂရဲ့ဆုံးဖြတ်ချက်ကို ညီလာခံမှာ အဖွဲ့ဝင်နိုင်ငံ ၁၁၉ နိုင်ငံရဲ့ ထောက်ခံမှုနဲ့အတည်ပြုခဲ့တာဖြစ်ပြီး ဘယ်လာရုစ်နိုင်ငံတစ်ခုထဲက ကန့်ကွက်မဲပေးခဲ့တာပါ။
မည်သို့ပင်ဆိုစေကာမူ ကုလရဲ့ဆုံးဖြတ်ချက်ဟာ နိုင်ငံတကာက မြန်မာနိုင်ငံပေါ်မြင်တဲ့ အမြင်သဘောထားလို့ပြောလို့ရပြီး နိုင်ငံရေးအရ အရေးပါမှုရှိနေတာလည်း ဖြစ်ပါတယ်။