ဇွန် ၁၆
ရန်ကုန်တိုင်းဒေသကြီး၊ လှိုင်သာယာမြို့နယ် အမှတ် (၁၃) ရပ်ကွက် အုပ်ချုပ်ရေးမှူး ဦးလှဦးဟာ ပင်လုံဈေးကားမှတ်တိုင်အနီးမှာ ဒီကနေ့ (ဇွန်လ ၁၆ ရက်) မနက် ၉ နာရီခွဲလောက်က ဦးခေါင်းကို သေနတ်ပစ်ခတ်ခံရလို့ ပွဲချင်းပြီး သေဆုံးသွားတယ်လို့ သိရပါတယ်။
အခုသေဆုံးသွားတဲ့ အုပ်ချုပ်ရေးမှူး ဦးလှဦးရဲ့ နေအိမ်ဖြစ်တဲ့ ယုဝတီပရိဘောဂဆိုင်မှာ မကြာသေးခင်က ဗုံးပေါက်ကွဲမှုတစ်ကြိမ်ဖြစ်ခဲ့ပေမယ့် ထိခိုက်မှုတော့ မရှိခဲ့ဘူးလို့ သိရပါတယ်။
အုပ်ချုပ်ရေးမှူး ဦးလှဦး သေနတ်ပစ်ခတ်ခံရလို့ သေဆုံးမှုနဲ့ ပတ်သက်ပြီး အာဏာသိမ်းစစ်ကောင်စီတပ်တွေက လှိုင်သာယာမြို့အဝင်အထွက် နေရာအများအပြားမှာ တားဆီးစစ်ဆေးမှုတွေ ပြုလုပ်နေတယ်လို့လည်း သိရပါတယ်။
