ဇွန် ၁၁
မအူပင်မြို့မှာ ဇွန်လ ၁၀ရက်နေ့ ည ၈နာရီခန့်က ၃လမ်းမှာရှိတဲ့ မီးသတ်စခန်းက မီးသတ်တပ်ဖွဲ့ဝင်တစ်ဦးနဲ့ စစ်သားတစ်ဦးစကားများရန်ဖြစ်ရာက မီးသတ်တပ်ဖွဲ့ဝင် ကျည်ထိမှန်ခဲ့တယ်လို့သိရပါတယ်။
"၃လမ်းက မီးသတ်စခန်းမှာရန်ဖြစ်ကြတာပါ မီးသတ်ကလူ ခြေထောက်ကိုထိသွားတယ် မစိုးရိမ်ရဘူးလို့တော့ပြောတယ်၊သတင်းပဲကြားလိုက်ရတာ သွားကြည့်ရင်လဲ ကျွန်တော်ပါအပစ်ခံရမှာစိုးလို့ သွားမကြည့်ရဲဘူး"လို့ မအူပင် ဒေသခံတစ်ဦးကပြောပါတယ်။
လက်ရှိမှာတော့ သေနတ်ကျည်ထိမှန်ခဲ့တဲ့ မီးသတ်ဝန်ထမ်းကို မအူပင်ဆေးရုံကိုပို့ဆောင်ထားတယ်လို့သိရပြီး မအူပင်အကြမ်းဖက် စစ်ကောင်စီဘက်ကတော့ မတော်တဆ ကျည်ထွက်ပြီးထိမှန်ခဲ့တာဖြစ်ကြောင်း ထုတ်ပြန်ထားတယ်လို့ ဒေသခံတွေရဲ့ပြောကြားချက်အရသိရပါတယ်။