မေ ၁၅
မည်သို့သော အချက်အလက်များကို ရည်ညွှန်း၍ စစ်ကျွန်ပညာရေးဟု စွပ်စွဲပြောဆိုသနည်းဟု ဗိုလ်ချုပ်ဇော်မင်းထွန်းက မေးခွန်းထုတ်မေးမြန်းလိုက်သည်။
ယနေ့(မေ ၁၅) ရက် နေပြည်တော်တွင် ကျင်းပသည့် စစ်ကောင်စီ၏ သတင်းစာရှင်းလင်းပွဲအတွင်း ဗိုလ်ချုပ်ဇော်မင်းထွန်းက ကျောင်းဖွင့်ခြင်းကိစ္စနှင့် ပတ်သက်၍ ပြောကြားစဉ် ယင်းသို့ မေးခွန်းထုတ် မေးမြန်းသည့် ပုံစံဖြင့် ပြောကြာလိုက်ခြင်းဖြစ်သည်။
“ ဆူပူ အကြမ်းဖက်သမားများ လက်ကိုင်ထားတဲ့ စစ်ကျွန်ပညာရေးဆိုတာ ဘယ်အချက်အလက်တွေ၊ ဘာသင်ခန်းစာတွေ၊ဘယ်ပို့ချချက်တွေကို ရည်ညွှန်းပြီးစစ်ကျွန်ပညာရေးလို့စွပ်စွဲတာလဲ။ ရှိရင် ထောက်ပြလို့ ပြောလိုပါတယ်။ အခက်အလက်နဲ့ ပြောပါလို့ ပြောစေချင်တယ်။”ဟု ၎င်းက ဆိုသည်။
တိုင်းဒေသကြီးနှင့် ပြည်နယ်များအတွင်းကျောင်းများပြန်လည်ဖွင့်လှစ်ရန စစ်ကောင်စီက ကြေညာပြီးနောက်ပိုင်း ဆရာ၊ ဆရာမများအပြင် ကျောင်းသား/သူများနှင့် မိဘများက စစ်ကျွန်ပညာရေးတွင် ပညာသင်ကြားလိုခြင်းမရှိကြောင်း ဆန္ဒထုတ်ဖော်မှုများရှိနေကြသည်။
