မေ ၁၀
ထိုင်းနိုင်ငံထဲ တရားမဝင် ရောက်လာသည့် မြန်မာနိုင်ငံမှ အမျိုးသား ၂၆ ဦးနှင့် အမျိုး သမီး ၇ဦးတို့ကို ထိုင်း အစိုး၇ တာဝန်ရှိသူများက မေလ ၉ ရက်နေ့တွင် ဖမ်းဆီး လိုက် သည်။
ဒေသခံ ထိုင်းနိုင်ငံသားများ၏ သတင်းပေးချက်အရ ထိုင်းနိုင်ငံ ကန်ချနဘူရီခရိုင်၊ စံခရ ဘူရီမြို့နယ်ရှိ တောထဲ တစ်နေရာတွင် မြန်မာနိုင်ငံသားများ အုပ်စုလိုက် လမ်းလျှောက် သွားနေစဉ် ထိုင်း တာဝန်ရှိသူများက တားစီး၍ ဖမ်းဆီးခဲ့ခြင်း ဖြစ် ကြောင်း မေလ ၉ ရက် နေ့ ထိုင်း khaosod သတင်းဌာနတွင် ဖော်ပြထားသည်။
သတင်း ဖော်ပြချက်အရ အဖမ်းခံရသူများသည် မွန်ပြည်နယ် မော်လမြိုင်မြို့မှလာရောက် ကြပြီး ပွဲစားခ ထိုင်း ဘတ်ငွေ ၁၆၀၀၀ မှ ၁၈၀၀၀ ( မြန်မာကျပ်ငွေ - ရှစ် သိန်း ) ခန့် ကုန်ကျခံကာ ထိုင်းနိုင်ငံ ဘန်ကောက်၊ စမွတ်ဆာခွန်၊ ရတ်ချဘူရီမြို့နယ်တို့တွင် သွား ရောက် အလုပ်လုပ်ကိုင်ကြမည် ဖြစ်ကြောင်း သိရသည်။
အဆိုပါ အဖမ်းခံရသူများကိုလည်း ကိုဗစ် ၁၉ ရောဂါပိုး ရှိမရှိ သေချာ စစ်ဆေးမှုများ ပြုလုပ်ပြီး ထိုင်းဥပဒေ အရ အရေးယူဆောင်ရွက်သွားမည် ဖြစ်ကြောင်း သိရသည်။
