တီရဲလ်ထန် ၁၀၀ ရာခိုင်နှုန်းပြည့် အနိုင်ရရှိမည်ဟု အောင်လအန်ဆန် ယုံကြည်

တီရဲလ်ထန် ၁၀၀ ရာခိုင်နှုန်းပြည့် အနိုင်ရရှိမည်ဟု အောင်လအန်ဆန် ယုံကြည်
ဓာတ်ပုံ - သူရ /မဇ္ဈိမ

ရန်ကုန်၊ မတ်လ ၈ ။        ။ MMA One Championship ပထမဆုံး ထိုးသတ်မည့်ပွဲအတွက် တီရဲလ်ထန်အနေဖြင့် ၁၀၀ ရာခိုင်နှုန်းပြည့် အနိုင်ရရှိမည်ဟု ယုံကြည်ကြောင်း အောင်လအန်ဆန်က ပြောသည်။

'' မျှော်လင့်တာက သူ ဒီည ၁၀၀ ရာခိုင်နှုန်း နိုင်မယ်လို ့ မျှော်လင့်ပါတယ်။ One Championship မှာ ပထမဆုံးပွဲ ဖြစ်ပေမဲ့ သူဟာ ကစားတာတော်တော်ကြာနေပါပြီ။ သူ့ကို ကောင်းကောင်းမွန်မွန် သင်ပေးထားတယ်။ သူရဲ့ တိုက်ခိုက်ပုံ၊ လက်ဝှေ့ပညာရပ်ကို သူ ကောင်းကောင်းမွန်မွန်သင်ထားတဲ့အတွက် ၁၀၀ ရာခိုင်နှုန်း ယုံကြည်မှု ရှိပါတယ်။ တီရယ်လ်ရဲ့ ပြိုင်ဘက် Skill Level ကို ကျွန်တော်သိပါတယ်။
 သူ့ကို ကောင်းကောင်းမွန်မွန် ပြိုင်နိုင်အောင် ပညာတွေ သင်ပေးထားပါတယ် " ဟု အောင်လအန်ဆန် က ပြောသည်။

မတ်လ ၈ ရက်နေ့၊ ည ၆ နာရီတွင် ရန်ကုန်မြို့ သုဝဏ္ဏအားကစားရုံ ၁ မှာ ကျင်းပပြုလုပ်မည့် MMA ပြိုင်ပွဲ   One Championship Reign of Valor ပြိုင်ပွဲမှာ ချင်းကစားသမားသစ် တီရဲလ်ထန် (Tial Thang Zathang ) က ကမ္ဘောဒီးယား တိုက်ခိုက်ရေးကစားသမား Rin Saroth နှင့် ယှဉ်ပြိုင်ထိုးသတ်ရမည် ဖြစ်သည်။

တီရဲလ်ထန်က '' အခု ကိုအောင်လ ကျွန်တော်အနားမှာ ရှိလို ့ကျွန်တော် အရမ်းဝမ်းသာပါတယ်။ ပြီးရင် ကျွန်တော်လည်း ဒီပွဲကို နိုင်ဖို ့၁၀၀ ရာခိုင်နှုန်း နိုင်ဖို ့ယုံကြည်မူ ရှိပါတယ် " ပာု ပြောသည်။

လက်ရှိအချိန်တွင် မြန်မာပရိသတ်များ၏ စိတ်ဝင်စားမူအများဆုံးခံထားရသည့် အောင်လအန်ဆန် က လေ့ကျင့်သင်ကြားပေးထားသည့် တီရဲလ်ထန်၏ ပထမဆုံး ပါဝင် ယှဉ်ပြိုင်ထိုးမည် MMA ပွဲစဉ်ကို မြန်မာ ပရိသတ်များ စိတ်ဝင်စားမှု မြင့်တင်နေတာဖြစ်ပြီး လူမူကွန်ယက်စာမျက်နှာများတွင် ဝေဖန်သုံးသပ်နေကြသည်။

Tial Thang Zathang ကို မြန်မာနိုင်ငံ၊ ချင်းပြည်နယ်၊ ဟားခါးမြို ့မှ မွေးဖွားခဲ့တာဖြစ်ပြီး ဇနီး၊ သားသမီး ၂ ဦးနှင့် အမေရိကန်နိုင်ငံမှာ နေထိုင်သူ ဖြစ်သည်။

One Championship Reign of Valor ပြိုင်ပွဲတွင် မြန်မာကစားသမားတွေ ဖြစ်သော ဖိုးသော်က အင်ဒိုနီးရှား တိုက်ခိုက်ရေး ကစားသမား Yohan Mulia legowo နှင့် ယှဉ်ပြိုင်ထိုးသတ်မှာဖြစ်ပြီး အန်တိုနီယာအနေဖြင့် မလေးရှားကစားသမား Boiface နှင့် ယှဉ်ပြိုင်ထိုးသတ်သွားမည် ဖြစ်သည်။

Mizzima Weekly