ရန်ကုန်၊ မတ် ၄ ။ ။ ရခိုင်ပြည်နယ်၊ မြောက်ဦးမြို့နယ်ရှိ ရပ်ကွက်အချို့မှ နေအိမ်များတွင် မတ်လ ၃ ရက်နေ့မှစတင်ကာ ရခိုင်ပြည်နယ်အလံကို လွှင့်ထူမှုများရှိခဲ့ကြောင်း ဒေသခံများကပြောသည်။
“ မြိုပေါ်ရပ်ကွက် ၇ ရက်ကွက်ရှိတယ်။ ၇ ရက်ကွက်လုံးလွှင့်တာလား။ ဒါမှမဟုတ် ရပ်ကွက် တစ်ခု၊ နှစ်ခုပဲ လွှင့်တာလားဆိုတော့ ကျွန်တော် အတိအကျမသိဘူး “ ဟု မြောက်ဦးမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဦးထွန်းသာစိန်က ပြောသည်။
အဆိုပါကိစ္စသည် မည်သည့်ရည်ရွယ်ချက်ဖြင့် ရခိုင်ပြည်နယ်အလံကိုလွှင့်ထူကြသည်ကိုလည်းမသိရှိကြောင်း လည်း ၄င်းကဆိုသည်။
ရခိုင်အလံများကို မတ်လ ၃ ရက်နေ့နံနက်ပိုင်းမှစတင်တာ လွှင့်တင်ကြခြင်းဖြစ်ပြီး မတ်လ ၄ ရက်နေ့တွင်မှု အချို့နေအိမ်များ၌ အလံများပြန်သိမ်းသွားကြပြီဟုလည်း မြောက်ဦးမြို့နယ် မောင်ရှီကန်ကျေးရွာအုပ်စုမှ အုပ်ချုပ်ရေးမှူး ဦးခင်မောင်ဝင်းကဆိုသည်။
မြောက်ဦးမြို့နယ်တွင် ကျေးရွာအုပ်ချုပ်ရေးမှူးများ ဖမ်းဆီးခံရမှု၊ ရာထူးမှနုတ်ထွက်စာတင်မှုများဖြစ်ပွား ပြီးနောက် ထိုသို့ ရခိုင်ပြည်နယ် အလံများလွှင့်တင်ကြခြင်းဖြစ်ကြောင်းလည်း ဒေသခံများထံမှ သိရသည်။
အဆိုပါကိစ္စများနှင့်ပတ်သက်၍ မေးမြန်းရန် မြောက်ဦးမြို့နယ်အုပ်ချုပ်ရေးမှူး ဦးမောင်သာစိန်ထံ မဇ္စျိမမှ ဖုန်းဖြင့်ဆက်သွယ်ကြိုးပမ်းသော်လည်း အဆက်အသွယ်မရရှိခဲ့ပေ။