ယူဂန်ဒါ နိုင်ငံတကာကြက်တောင်ပွဲတွင် မြန်မာနိုင်ငံကိုယ်စားပြု သက်ထားသူဇာ ရွှေတံဆိပ်ရ

ယူဂန်ဒါ နိုင်ငံတကာကြက်တောင်ပွဲတွင် မြန်မာနိုင်ငံကိုယ်စားပြု သက်ထားသူဇာ ရွှေတံဆိပ်ရ
ဓာတ္ပံု - VICTOR Badminton Myanmar

ဖေဖော်ဝါရီလ ၂၅ ။           ။ ယူဂန်ဒါ နိုင်ငံတကာကြက်တောင်စီးရီးပြိုင်ပွဲတွင် ဝင်ရောက်ယှဉ်ပြိုင်ခဲ့သည့် မြန်မာ့ကြက်တောင် အားကစားသမား သက်ထားသူဇာက ပြိုင်ဘက်ဂျော်ဒန်ကစားသမား အမ်ရိုကို ဗိုလ်လုပွဲတွင်  အနိုင်ရရှိကာ ရွှေတံဆိပ်ဆု ရရှိခဲ့သည်။

ယူဂန်ဒါနိုင်ငံ၊ ကမ်ပါလာမြို့တွင် ဖေဖော်ဝါရီလ ၂၂မှ ၂၅ ရက်နေ့အထိ ကျင်းပပြုလုပ်ခဲ့ခြင်း ဖြစ်ပြီး သက်ထားသူဇာက လက်ရည်စစ်ပွဲ မဝင်ရဘဲ ၃၂ ဦးအဆင့်မှ စတင်ယှဉ်ပြိုင်ရခြင်းဖြစ်သည်။ အိမ်ရှင် ယူဂန်ဒါ ကစားသမားကို ၂ ပွဲဆက် အနိုင်ရရှိခဲ့ခြင်းကြောင့် ၁၆ ဦးအဆင့်ကို တက်ရောက်နိုင်ခဲ့ခြင်း ဖြစ်ကာ ဆက်လက်ပြီး ယှဉ်ပြိုင်ရာတွင် အိမ်ရှင် ယူဂန်ဒါကစားသမားကို ၂ ပွဲဆက်အနိုင်ရရှိခဲ့ခြင်း ဖြစ်သည်။

ကွာတားဖိုင်နယ်တွင် ဇင်ဘာဘွေကစားသမား  အိုဂါဆီရမ်မူ ကို (၂၁ -၉ ) မှတ်၊ (၂၁ - ၁၃ )မှတ်  ဖြင့် အနိုင်ရရှိခဲ့ပြီး ဆီမီးဖိုင်နယ်တွင် အီရန်ကစားသမား ဆာမင်ကို ကို(၂၁-၁၂ ) မှတ်။ ( ၂၁ - ၁၅ )ဖြင့် ၂ ပွဲဆက် အနိုင်ရရှိကာ ဗိုလ်လုပွဲ တက်ရောက်နိုင်ခဲ့သည်။

ဗိုလ်လုပွဲတွင် ဂျော်ဒန်ကစားမား အမ်ရိုကို (၂၁-၁၄)မှတ်၊ (၂၁- ၁၂) ဖြင့် ၂ ပွဲဆက်တိုက် အနိုင်ရရှိခဲ့ခြင်း ကြောင့် ရွှေတံဆိပ် ရရှိခဲ့သည်။

အသက် ၁၉ နှစ်အရွယ် သက်ထားသူဇာအတွက် ၂၀၁၉ ခုနှစ်၏ နိုင်ငံတကာပြိုင်ပွဲတစ်ခုဖြစ်ပြီး ၂၀၁၈ခုနှစ် ဒီဇင်ဘာလအတွင်းက နေပြည်တော်တွင် ကျင်းပသည့် အာဆီယံတက္ကသိုလ်များ အားကစားပြိုင်ပွဲတွင် ခါးဒဏ်ရာကြောင့် ၂၁ လကျော် အနားယူခဲ့ရကာ၂၀၁၉ခုနှစ် ဇန်ဝါရီလတတိယပတ်အတွင်း ပြန်လည် လေ့ကျင့်နိုင်ခဲ့ခြင်း ဖြစ်သည်။

 

Mizzima Weekly