တောင်ကိုရီးယားမှ အဆိုတော်နှင့်မင်းသမီးဖြစ်သော ဆူဇီသည် မွန်မြတ်သောလှူဒါန်းမှုတစ်ခုကို ထပ်မံပြုလုပ် ခဲ့သည်။

ဒီဇင်ဘာလ ၁၁ ရက်နေ့တွင် ကိုရီးယားမှ Life Share အဖွဲ့က ဆူဇီသည် မကြာသေးခင်က ၁၅ မီလျံဝမ် ( ဒေါ်လာ ၁၃၈၀၀ ) ခန့်ကို လှူဒါန်းခဲ့ပြီး ချို့တဲ့သူများအတွက် လိုအပ်သော နေ့တဓူဝအသုံးပြုသည့် ပစ္စည်းများ ၀ယ်ယူပေးဖို့ တောင်းဆိုခဲ့သည်ဟု ထုတ်ဖော်ပြောကြားခဲ့သည်။

အဆိုတော်နှင့်မင်းသမီးဖြစ်သူ ဆူဇီသည် ၀င်ငွေချို့တဲ့သည့် မိသားစုများအပါအဝင် အကြောင်းအမျိုးမျိုးကြောင့် ဒုက္ခရောက်သူများ၊ ဆေးကုသဖို့လိုအပ်သူများအပြင် ဆီဝိုလ်ကူးတို့ယာဉ်နစ်မြုပ်မှုကြောင့် သေဆုံးခဲ့သူများနှင့် သူတို့၏မိသားစုဝင်များအတွက် လှူဒါန်းမှုများပြုလုပ်ခဲ့ဖူးသည်။

လွန်ခဲ့သော ၂၀၁၅ ခုနှစ်က သူမသည် ၁၀၀ မီလျံဝမ် လှူဒါန်းခဲ့သည့်အတွက် Community Chest of Korea အဖွဲ့၏ ဂုဏ်ထူးဆောင်အသင်းဝင်အဖြစ် ချီးမြှင့်ခြင်းခံခဲ့ရသည်။

ဆူဇီသည် မကြာသေးခင်က SBS ရုပ်သံလိုင်းမှထုတ်လွှင့်သည့် While You Were Sleeping ဆိုသော ဇာတ်လမ်းတွဲထဲ၌ ပါ၀င်သရုပ်ဆောင်ထားခဲ့ပြီး လောလောဆယ်တွင် သူမသည် တစ်ကိုယ်တော်သီချင်း အယ်လ်ဘမ်အတွက် ပြင်ဆင်မှုများ ပြုလုပ်လျက်ရှိသည်။

Ref: Soompi