ရန်ကုန် ၊ စက်တင်ဘာ ၉ ။ ။ ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း) ကို အဖွဲ့အစည်းမှတ်ပုံတင်သွားမည်ဖြစ်ကြောင်း ၈၈ မျိုးဆက်(ငြိမ်း/ပွင့်) ၏ စတုတ္ထအကြိမ်မြောက် နယ်ကွန်ယက်များ စုံညီတွေ့ဆုံဆွေးနွေးပွဲက ဆုံးဖြတ်ချက်ချခဲ့သည်။
ယင်းစုံညီတွေ့ဆုံပွဲမှ ၈၈ မျိုးဆက်(ငြိမ်း/ပွင့်)၏ နယ်ကွန်ယက်များ ကျစ်လစ်ပြီး ချိတ်ဆက်မှု အားကောင်းရေးအတွက် ဆောင်ရွက်သွားရန် ၊ အကြမ်းဖက်မှုများကို ပြင်းထန်စွာ ရှုံ့ချပြီး ကာကွယ်တားဆီးမှုများ လုပ်ဆောင်သွားရန်၊ ဖွဲ့စည်းပုံအခြေခံဥပဒေပြင်ဆင်ရေးအတွက် ၂၁ ရာစု ပင်လုံ လုပ်ငန်းစဉ်များကို ကူညီဆောင်ရွက်သွားရန် စသည့် ဆုံးဖြတ်ချက်များကို ချမှတ်ခဲ့သည်ဟု ၈၈ မျိုးဆက်(ငြိမ်း/ပွင့်) က စက်တင်ဘာ ၈ ရက်နေ့ ရက်စွဲဖြင့် ထုတ်ပြန်ခဲ့သည်။
လက်ရှိအချိန်တွင် ၈၈ မျိုးဆက်(ငြိမ်း/ပွင့်) မှ ဦးကိုကိုကြီး နှင့်ဦးမင်းဇေယျာတို့ဦးဆောင်ကာ နိုင်ငံရေးပါတီ တစ်ခု ထူထောင်ရန် ဆောင်ရွက်နေပြီး လာမည့်နှစ်ဆန်းပိုင်းတွင် ပါတီအမည်ရွေးချယ်၍ မှတ်ပုံတင်သွားမည်ဖြစ်ကြောင်းသိရသည်။
ပါတီဖွဲ့စည်းရေးအတွက် ပါတီဖြစ်မြောက်ရေး ဦးဆောင်ကော်မတီကို ဖွဲ့စည်းထားပြီး အဆိုပါဦးဆောင်ကော်မတီတွင် ဦးကိုကိုကြီး၊ ဦးမင်းဇေယျ၊ ဦးသက်ထွန်းနှင့်ဦးရဲနိုင်အောင်တို့ပါဝင်သည်။
ဖွဲ့စည်းမည့် အဆိုပါပါတီ၏ကော်မတီအသီးသီးတွင် ဦးမင်းကိုနိုင် ၊ဦးဂျင်မီ အစရှိသော ၈၈မျိုးဆက်အချို့ မပါဝင်သေးပေ။
