လေဖြတ်ဝေဒနာခံစားရမှုကြောင့် သမီးဖြစ်သူ Carrie Fisher ကွယ်လွန်ပြီး နောက်တစ်ရက်အကြာတွင် ရှေ့ဆင့် နောက်ဆင့်ဆိုသလို ကွယ်လွန်သွားခဲ့သော ဟောလိ၀ုဒ်မင်းသမီးကြီး Debbie Reynolds အားရည်စူး၍နာမည် ကျော်အနုပညာရှင်များက ဂုဏ်ပြုစကားပြောကြားခဲ့ကြပါသည်။

အဆိုတော်အနုပညာရှင် Bette Midler က “ ဒါဟာလက်ခံဖို့တော်တော်ခက်တဲ့အဖြစ်အပျက်တစ်ခုပါ။သူမဟာ လှပသော၊ပါရမီရှိသော၊သူမရဲ့အနုပညာပေါ်မှာစိတ်ရောကိုယ်ပါမြှုပ်နှံထားတတ်သော သူတစ်ယောက်ဖြစ်ပါ တယ်” လို့ပြောကြားခဲ့ပါသည်။

ဗြိတိန်မင်းသမီးကြီး Dame Joan Collins ကလည်း “ကျမအလွန်ကိုဝမ်းနည်းပူဆွေးရပါတယ်။သူမဟာတကယ့် ကိုချီးကျူးဖို့ကောင်းတဲ့နွေးထွေးသောမိတ်ဆွေကောင်းတစ်ဦးဖြစ်သလို လုပ်ဖော်ကိုင်ဖက်တစ်ဦးလည်းဖြစ်ပါ တယ်” လို့ဂုဏ်ပြုပြောကြားခဲ့ပါသည်။

Star Trek ရုပ်ရှင်သရုပ်ဆောင် William Shatnre ကလည်း သူမအား ဟော်လိ၀ုဒ်ရဲ့တော်ဝင်မင်းသမီးတစ်ပါး ဖြစ်တယ်လို့ပြောခဲ့သလို “သူမအခုလိုလူ့လောကထဲကထွက်သွားတဲ့အပေါ် အသည်းကွဲမတတ်ခံစားရပါတယ်။ အခုလိုဝမ်းနည်းပူဆွေးရတာတွေကို ၂၀၁၆ အတွင်းမှာပဲအားလုံးကုန်ဆုံးဖို့မျှော်လင့်ပါတယ်”လို့ပြောခဲ့ပါသည်။

ဒါ့အပြင် Talk Show အစီအစဉ်မှူးဖြစ်သူ Larry King ကလည်းသူမအား “ပါရမီရှိသော၊လှပသောအမျိုးသမီး တစ်ဦးဖြစ်သလို တိမ်မြုပ်ပျောက်ကွယ်သွားမှာမဟုတ်တဲ့သူတစ်ယောက်ဖြစ်ပါတယ်” လို့ပြောခဲ့ပြီး အဆိုတော် Madonna ကလည်း သူမ၏တွစ်တာပေါ်၌ သူမ၏ပရိတ်သတ်များအား “ရှင်တို့ရဲ့အမေတွေကိုဒီနေ့မှာပဲအားရ အောင်ဖက်ထားကြပါ၊ပြီးရင် ရှင်တို့ရဲ့သမီးတွေကိုလည်းဒီနေ့မှာပဲအားရအောင်ဖက်ထားကြပါ”လို့ မမျှော်လင့်ပဲ ကြံုတွေ့ရတဲ့သေခြင်းတရားကို ရည်ရွယ်ပြီးရေးသားခဲ့ပါသည်။