ရန်ကုန်၊ ဒီဇင်ဘာ ၁၆ ။ ။ မြန်မာ့ယဉ်ကျေးမှုနယ်မြေဖြစ်သည့် ပုဂံဒေသတွင် ညစျေးတန်းဖွင့်လှစ်ရောင်းချသွားရန် စီစဉ်ဆောင်ရွက်နေကြောင်း ညောင်ဦးခရိုင် အထွေထွေအုပ်ချုပ်ရေးမှူး ဦးစိုးတင့်က မဇ္စျိမသို့ပြောသည်။
ရွှေစည်းခုံဘုရားအနီးရှိ အနော်ရထာလမ်းနှင့် ညောင်ဦးပုဂံလမ်းဟောင်းကြားက အရပ်အခေါ် FIT လမ်းတွင် ဖွင့်လှစ်သွားရန်စီစဉ် နေခြင်းဖြစ် ကြောင်းသိရသည်။
“ လောလောဆယ်ဖွင့်ဖို့က ဆိုင် ၃၀ ကျော်လောက်ပဲ ရှိသေးတယ်။ ထပ်ပြီးတော့မှ စာရင်းအသေးစိတ်ကိုလုပ် တုန်းပဲရှိသေးတယ် ” ဟု ဦးစိုးတင့်က ပြောသည်။ အဆိုပါလမ်းမှာ နိုင်ငံခြားသားများ ၀င်ရောက်သည့်ဆိုင်များ တည်ရှိသည့်လမ်းဖြစ်ပြီး တည်းခိုဆောင်များလည်းရှိသည့် လမ်းဖြစ်ကြောင်း ၄င်းကရှင်းပြသည်။
လက်ရှိ ပုဂံ၊ညောင်ဦးတွင်ညစျေးတန်းဆိုင်ခန်းတစ်ချို့ ဖွင့်လှစ်ရောင်းချနေပြီဖြစ်ကြောင်း မြန်မာနိုင်ငံစားသောက်ကုန်လုပ် ငန်းရှင်များအသင်း (ပုဂံ) မှ ဥက္ကဌ ဦးတင့်ဆွေက ပြောဆိုထားသည်။
အဆိုပါကိစ္စနှင့်ပတ်သက်၍ ဦးစိုးတင့်က “ တရားဝင်လုပ်မှာပါခင်ဗျ။ အခုက တရားဝင်မဟုတ်သေးဘူး။ စမ်းလုပ်ရင်းတင် ပြလာတဲ့ အနေအထားပဲရှိပါသေးတယ် ” ဟု ပြောဆိုသည်။ ညစျေးတန်းဖွင့်လှစ်နိုင်ပါက ခရီးသွားလုပ်ငန်းကို အကျိုးပြုနိုင်သလို ဒေသခံများလည်း အလုပ်အကိုင်ရရှိမည်ဖြစ်ကြောင်း ၄င်း၏ပြောပြချက်အရသိရသည်။
မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးကော်မတီ မြို့နယ်မြေစရင်းဦးစီးဌာန၊ ရွှေစည်းခုံဘုရား ဂေါပကအဖွဲ့နှင့် သက်ဆိုင်ရာဌာနဆိုင်ရာတို့ ပူးပေါင်းဆောင်ရွက်တာဖြစ်ပြီး ညစျေးတန်းဖွင့်ရန် တင်ပြထားသူများကို အသေးစိတ်ကွင်းဆင်းစစ်ဆေးပြီး ဒီဇင်ဘာ ၂၀ ရက်နောက်ဆုံးထား အစီရင်ခံရန်လည်း ညွှန်ကြားထားကြောင်း ညောင်ဦးခရိုင်၊ ထွေအုပ်ရုံးမှသိရသည်။ ဒီဇင်ဘာလ ၂၀ ရက်နောက်ပိုင်းမှ အသေးစိတ်အချက်အလက်များ ထုတ်ပြန်သွားမည် ဖြစ်သည်။
