တ်ိုင်းဒေသကြီး NLDကိုယ်စားလှယ်များ ၁၂ဦးအပေါ် တိုင်ကြားစာများအား ဧရာဝတီတိုင်းဒေသကြီးလွှတ်တော် ဥက္ကဋ္ဌဦးအောင်ကျော်ခိုင်ဆီ တိုင်ကြားထားမှုများရှိကြောင်း တိုင်းလွှတ်တော်ဥက္ကဋ္ဌက မဇ္ဈိမသို့ ပြောသည်။
"အကြောင်းအရာများတယ်။ ပြည်သူနဲ့ဆိုင်တဲ့အခြမ်းလည်း ပါတယ်၊ ဝန်ထမ်းနဲ့ဆိုင်တဲ့အခြမ်းလည်း ပါတယ်၊ ကျွန်တော်တို့ NLD ပါတီ မူအရ ပါတီဗဟိုကိုယ်စားလှယ်များဆိုင်ရာ တိုင်ကြားစာဌာနရှိတယ်။ အဲဒီတိုင်လို့ရတယ် ။ သို့သော် ကျွန်တော်ဆီဝင်လာတဲ့ တိုက်ရိုက်တိုင်ကြားပြောတယ်၊ ဖြေရှင်းချက်တောင်းတဲ့ သူတို့ဘက်က ကောင်းမွန်ဖြေရှင်းနိုင်တဲ့ ဆုံးဖြတ်ချက်တဲ့ ကိစ္စကျွန်တော် ကိစ္စမဟုတ်ဘူး”ဟု တိုင်းဒေသကြီးလွှတ်တော်ဥက္ကဋ္ဌ ဦးအောင်ကျော်ခိုင်က တိုင်ကြားမှုနှင့် ပတ်သက်ပြီး မဇ္ဈိမသို့ ပြောသည်။
“ ကိုယ်စားလှယ်တွေဘက် ကျွံတဲ့အပိုင်းတွေလည်း ရှိကောင်းရှိမယ်၊ သူတို့ထိန်းသိမ်းသွားတယ်၊ ပြည်သူအငြိုအငြင်မခံရအောင် ဌာနဆိုင်ရာတွေ အလွန်အကျွံစွက်ဖက်တဲ့သဘောမဖြစ်အောင် ထိန်းသွားပါတဲ့၊ ကျွန်တော့ဆီ တိုင်တာတွေ တစ်ချို့စာနဲ့ရှင်းပြတယ် ၊ တိုင်ချင်ရင် ကိုယ်စားလှယ်များတိုင်ကြားရေး တိုင်ဖို့ ပြောပြတယ် ”ဟု တိုင်းဒေသကြီးလွှတ်တော်ဥက္ကဋ္ဌ ဦးအောင်ကျော်ခိုင်က မဇ္ဈိမသို့ပြောသည်။
“ ဧရာဝတီက သိတဲ့အတိုင်း လယ်ယာမြေနဲ့ငါးလုပ်ငန်း ဒီနှစ်ခုများတယ်။ တရားရုံးစီမံတဲ့ကိစ္စ၊ ထွေအုပ်စီမံတဲ့ကိစ္စမှာ သွားစွက်ဖက်တာမျိုးတွေမှာ တိုင်ကြားခံရတာ၊ တိုင်ကြားခံကိုယ်စားလှယ် ၁၂ဦး ရှိကြောင်း တိုင်းလွှတ်တော်ဥက္ကဋ္ဌ ပြောသည်။
ဧရာဝတီတိုင်းဒေသကြီး လွှတ်တော်ကိုယ်စားလှယ်များ အား ကိုယ်စားလှယ်များတိုင်ကြားရေးဌာနသို့ တိုင်ကြားထားမှုများရှိပြီး ခေါ်ယူစစ်ဆေးမှုများ ရှိသည်။
ဧရာဝတီတိုင်းဒေသကြီးလွှတ်တော်တွင် အမျိုးသားဒီမိုကရေစီအဖွဲ့ချုပ်ပါတီက ကိုယ်စားလှယ် ၄၉ ဦး ရှိပြီး၊ပြည်ထောင်စုကြံခိုင်ရေးနှင့်ဖွံဖြိုးရေးပါတီက ကိုယ်စားလှယ် ၃ ဦး ရှိသည်။
