နယူးယော့ခ် ၊ စက်တင်ဘာ ၁၆ ။ ။ Grime ကြယ်ပွင့် စကပ်တာသည် ဒေးဗစ် ဘိုဝီ ၊ Radiohead နှင့် The 1975 တို့ကို ကျော်လွန်ကာ Mercury Prize ဆုကို ရရှိခဲ့သည်။
စကပ်တာသည် “ Konnichiwa” တေးအယ်လ်ဘမ်ဖြင့် စတာလင်ပေါင် ၂၅၀၀၀တန်ကြေးရှိ ဆုကို ရရှိခဲ့ကြောင်း နှင့် ယင်း တေးအယ်လ်ဘမ်တွင် ဗြိတိန်နိုင်ငံရေးအပေါ် ၎င်း၏မကျေနပ်မှုနှင့် ရဲတပ်ဖွဲ့နှောင့်ယှက် တိုက်ခိုက်မှုတို့ အပါအဝင် အခြား အကြောင်းအရာများလည်း ပါဝင်သည်။
“ Konnichiwa” တေးအယ်လ်ဘမ်သည် ယခုနှစ်အစောပိုင်းက နံပါတ် ၂ နေရာတွင် ရပ်တည်ခဲ့သည်။” ကျွန်တော် ဒီဆုကိုရတဲ့အတွက် ကျေးဇူးတင်ပါတယ်။ ကျွန်တော် တေးဂီတဝန်ထမ်းတွေနဲ့ ကြိုးစားလုပ်ဆောင်တယ်။ဒီတေးအယ်လ်ဘမ် ထွက်ရှိဖို့ အချိန်အကြာကြီးယူခဲ့ရတယ်”ဟု စကပ်တာက ပြောကြားသည်။
မိုက်ကယ်ကီဝါနုကာ၏ “ Love & Hate” ၊ ဗြိတိန်အဆိုတော် Bat for Lashes၏ “ The Bride” တေးအယ်လ်ဘမ်တို့သည်လည်း ၂၀၁၆ Mercury Prize ဆု ဆန်ခါတင်စာရင်းတွင် ပါဝင်ခဲ့သည်။ Radiohead ရော့ခ်တေးဂီတအဖွဲ့သည် ၎င်းတို့၏ တေးဂီတအယ်လ်ဘမ် “ A Moon Shpaed Pool ” ဖြင့် ဆန်ခါတင် စာရင်းတွင် ငါးကြိမ်မြောက် ပါဝင်ခဲ့သော်လည်း ဆုရရှိခဲ့ခြင်းမရှိပေ။
