နယူးယော့ခ် ၊ စက်တင်ဘာ ၁၅ ။ ။ Modern Family ကြယ်ပွင့် ဆိုဖီယာဗာဂါရာသည် ကြေးအမြင့်ဆုံးရရှိသည့် အမေရိကန်ရုပ်မြင်သံကြား မင်းသမီးဆုကို ဆက်လက်ထိန်းသိမ်းထားကြောင်း မကြာသေးမီက ထွက်ရှိသော Forbes မဂ္ဂဇင်းချမ်းသာသူများစာရင်းတွင် ဖော်ပြထားသည်။
ဗာဂါရာသည် “ Morden Family” ဇာတ်ကားတွင် ဂလိုရီအာအဖြစ် သရုပ်ဆောင်မှု နှင့် အကျိုးအမြတ်များသော ကြော်ငြာများကြောင့် ပြီးခဲ့သည့် ၁၂ လအတွင်း အမေရိကန်ဒေါ်လာ ၄၃ သန်း ( စတာလင်ပေါင် ၃၂ဒသမ၆သန်း) ရရှိခဲ့သည်။
Big Bagn Theory ဇာတ်ကား မင်းသမီး ခေလီကွာကိုသည် အမေရိကန်ဒေါ်လာ ၂၄ဒသမ၅သန်း ( စတာလင်ပေါင် ၁၈ဒသမ၆သန်း) ဝင်ငွေရရှိကာ ဒုတိယကြေးအမြင့်ဆုံးမင်းသမီးအဖြစ် ရပ်တည်နေသည်။ ကွာကို နှင့် ဗာဂါရာတို့သည် ပြီးခဲ့သည့်နှစ်က ဝင်ငွေအမေရိကန် ၂၈ဒသမ၅သန်းဖြင့် Forbes မဂ္ဂဇင်းစာရင်းတွင် ထိပ်တန်းနေရာမှ ပူးတွဲရပ်တည်ခဲ့သည်။
“ The Mindy Project” ဇာတ်ကား မင်းသမီး မင်ဒီကာလင်းသည် ဝင်ငွေ အမေရိကန်ဒေါ်လာ ၁၅သန်းဖြင့် နံပါတ် ၃နေရာရပ်တည်နေသည်။မင်ဒီကာလင်းသည် ပြီးခဲ့သည့်နှစ်က နံပါတ်၈နေရာတွင် ရပ်တည်ခဲ့ပြီး ယခုအခါ နံပါတ်၃နေရာသို့ ရောက်ရှိခဲ့သည်။
မာရစ်စကာဟာဂစ်တေးသည် အမေရိကန်ဒေါ်လာ ၁၄ဒသမ၅သန်းဖြင့် နံပါတ်လေးနေရာတွင် ရပ်တည်နေပြီး အဲလန်ပွမ်ပီအိုသည် အမေရိကန်ဒေါ်လာ ၁၄ဒသမ၅သန်းဖြင့် နံပါတ်ငါးနေရာတွင် ရပ်တည်နေသည်။
