ဆိုးလ်၊ စက်တင်ဘာ ၆ ။                       ။ သက်တူရွယ်တူများဖြစ်သော တောင်ကိုရီးယားမင်းသား လီဆောင်ဝူ နှင့် မင်းသမီး ကင်ဆိုယွန်း ( ယွန်မီ) တို့နှစ်ဦးက  ၎င်းတို့နှစ်ဦး တွဲနေပြီဖြစ်ကြောင်း အတည်ပြု ပြောကြားခဲ့သည်။

လီဆောင်ဝူ နှင့် ကင်ဆိုယွန်း ( ယွန်မီ)တို့နှစ်ဦးသည် ယခင်က  MBC ရုပ်သံ၏ “ Happy Home” ဒရမ်မာ ဇာတ်ကားတွင် ပါဝင်ခဲ့ကြပြီး ယခုအခါ လက်တွေ့ဘဝတွင် တစ်ကယ့်ချစ်သူများ   ဖြစ်သွားကြပြီဖြစ်ကြောင်း သတင်းအရင်းမြစ်တစ်ခုက ပြောကြားသည်။

” Happy Home” ဒရမ်မာ ဇာတ်လမ်းတွဲကို ခြောက်လကြာ ပြသခဲ့ပြီးနောက် သြဂုတ် ၂၁ရက်က နောက်ဆုံးအပိုင်းကို ထုတ်လွှင့်ပြသခဲ့သည်။ အဆိုပါ ဇာတ်ကားတွင် ၎င်းတို့နှစ်ဦးသည်  ဇာတ်ကား အလယ်လောက်တွင် တစ်ဦးပေါ်တစ်ဦး စိတ်ဝင်စားစပြုလာပြီး ဇာတ်ကား နောက်ဆုံးပိုင်းလောက်တွင်  ချစ်သူများဖြစ်သွားကြသည့် အကြောင်းကို သရုပ်ဆောင်ထားကြောင်း သတင်းအရင်းမြစ်က   ပြောကြားသည်။

ယွန်မီသည် ၁၉၉၄ ခုနှစ်တွင် ပွဲဦးထွက် ဇာတ်ကားရိုက်ကူးခဲ့ပြီး “ All About Eve” ၊ “ IRIS” ၊ “ Prosecutor Princess” နှင့် အခြားသော ဇာတ်ကားများ အပါအဝင် ဒရမ်မာဇာတ်ကား အများအပြားတွင် ပါဝင်သရုပ်ဆောင်ခဲ့သည်။

လီဆောင်ဝူသည် ၂၀၀၅ ခုနှစ်က ပွဲဦးထွက် ဇာတ်ကား ရိုက်ကူးခဲ့ပြီး “ Goddess of Marriage” ၊ “ A Word From Warm Heart” ၊ “ All About My Mom” နှင့် အခြားသော ဇာတ်ကားများကဲ့သို့သော ဒရမ်မာဇာတ်ကားများတွင် ပါဝင်သရုပ်ဆောင်ခဲ့သည်။

ယွန်မီ နှင့် လီဆောင်ဝူတို့နှစ်ဦး၏ ဆက်ဆံရေး နှင့်စပ်လျဉ်း၍ နှစ်ဘက်အေဂျင်စီများက အတည်ပြုပြောကြားခဲ့ပြီး မကြာသေးမီက ၎င်းတို့နှစ်ဦး စတင်တွဲခဲ့ခြင်းဖြစ်ကြောင်း နှင့် ယခုအချိန်ထိ လက်ထပ်ဖို့   နှင့်စပ်လျဉ်း၍ မဆုံးဖြတ်ရသေးကြောင်း ပြောကြားခဲ့သည်။