ဆိုးလ် ၊ စက်တင်ဘာ ၅ ။ ။ တောင်ကိုရီးယား မင်းသား ကင်ဝူဘင်းသည် အောက်တိုဘာလတွင် ပြည်ပပရိသတ်များနှင့်တွေ့ဆုံရန် အာရှနိုင်ငံများသို့ သွားရောက်မည့် ခရီးစဉ်ကို စတင် သွားမည်ဖြစ်ကြောင်း ၎င်း၏အေဂျင်စီက စက်တင်ဘာ ၅ရက်တွင် ပြောကြားခဲ့သည်။
“ 2016 Kim Woo-bin Fan Meeting Spotlight” ဟု နာမည်ပေးထားသော ခရီးစဉ်ကို အောက်တိုဘာ ၃ရက်တွင် စတင်သွားမည်ဖြစ်ပြီး တရုတ် ၊ ဂျပန် ၊ ထိုင်း ၊ ထိုင်ဝမ် နှင့် ဟောင်ကောင်တို့သို့ သွားရောက်မည်ဖြစ်ကြောင်း အေဂျင်စီ Sidus HQ က ထုတ်ပြန်ချက်တွင် ပြောကြားထားသည်။
ခရီးစဉ်သည် သရုပ်ဆောင် နှင့် အဆို နှစ်ဖက်လုံးတွင် ကင်၏အရည်အသွေးကို ထုတ်ဖော်ပြသရန် အကူညီဖြစ်စေမည်ဖြစ်ကြောင်း အေဂျင်စီက ပြောကြားသည်။
လက်မှတ်များကို ticket.yes24.com အွန်လိုင်းမှလက်မှတ်များရောင်းချသောဝက်ဆိုဒ် YES24 ၌ စက်တင်ဘာ ၈ရက် ည၈နာရီအချိန်တွင် ရောင်းချပေးသွားမည်ဖြစ်သည်။ကင် နှင့် ဘေဆူဇီတို့ ပါဝင်သရုပ်ဆောင်ထားသော KBS ရုပ်မြင်သံကြားဇာတ်လမ်းတွဲ “ Uncontrollably Fond” ကို ယင်းနေ့ညတွင် အပြီးသတ်ရိုက်ကူးသွားမည်ဖြစ်သည်။