လော့စ်အိန်ဂျလိစ် ၊ စက်တင်ဘာ ၂ ။ ။ နာမည်ကျော် အဆိုတော် ကာနေးဝပ်စ်၏ မကြာသေးမီက ထွက်ရှိခဲ့သော အငြင်းပွားဖွယ် တေးဂီတဗီဒီယို “ Famous” တွင် အသုံးပြုခဲ့သော ဖယောင်းရုပ်တုများကို လော့စ်အိန်ဂျလိစ်မြို့ရှိ အနုပညာ ပြခန်းတွင် အမေရိကန်ဒေါ် လေးသန်းဖြင့် လေလံတင်ရောင်းချသွားမည်ဖြစ်သည်။
စက်တင်ဘာ ၁ရက်က ပြခန်းတွင် ကိုယ်ပိုင်ပြပွဲ ပြုလုပ်ခဲ့ကြောင်း နှင့် “ Famous” တေးသီချင်းဗီဒီယိုတွင် အသုံးပြုခဲ့သော ဝတ်လစ်စလစ် ဖယောင်းရုပ်တု ၁၂ ခုလုံးကို အမေရိကန်ဒေါ်လာ ၄သန်းဖြင့် လေလံတင်ရောင်းချ သွားမည်ဖြစ်ကြောင်း ပြခန်းပိုင်ရှင် တင်ဘလမ်က ပြောကြားကြောင်း New York Times တွင် ဖော်ပြထားသည်။
“ Famous” တေးဂီတဗီဒီယိုကို ဇွန်လနှောင်းပိုင်းက လော့စ်အိန်ဂျလိစ်မြို့ အင်ဂဲဝုဒ်ရှိ The Forum တွင် ပွဲဦးထွက်ပြသခဲ့ရာ သဘောထား ကွဲလွဲမှုများ ဖြစ်ပေါ်ခဲ့ပြီး လူအများက ယင်းဗီဒီယိုသည် စာနာစိတ်ကင်းမဲ့ကြောင်း စွပ်စွဲပြောကြားခဲ့သည်။
တေးသီချင်းဗီဒီယိုတွင် ကုတင်ပေါ်၌ လဲလျောင်းနေသည့် ကာနေးဝပ်စ် နှင့် ဇနီးဖြစ်သူ ကင်ကာဒစ်ရှန်တို့ကို ကိုယ်စားပြုသော ဖယောင်းရုပ်တုများ၏ ဘေးတစ်ဘက်တစ်ချပ်တွင် ကာတလေဂျန်နာ ၊ ဂျော့ဒဗလျူဘုရှ် ၊ ဒေါ်နယ်ထရပ် ၊ တေလာဆွစ်ဖ် ၊ အန်နာဝင်တွာ ၊ အမ်မာရို့စ် ၊ ရီဟားနား ၊ ခရစ္စဘရောင်း ၊ ဘေလ်ကိုစ်ဘီ နှင့် ရေးဂျေတို့၏ပုံတူ ဝစ်လစ်စလစ် ဖယောင်းရုပ်တုများ လဲလျောင်းနေကြသည်။
