လော့စ်အိန်ဂျလိစ် ၊ စက်တင်ဘာ ၂ ။ ။ အော်စကာဆုရှင် မင်းသားကြီး ဂျင်မ်ဘရော့ဒ်ဘက်သည် ရုပ်မြင်သံကြားစိတ်ကူးယဉ်ဇာတ်ကား “Game of Thrones” အပိုင်း ၇တွင် ပါဝင်သရုပ်ဆောင် သွားမည်ဖြစ်ကြောင်း သတင်းတစ်ရပ်တွင် ဖော်ပြထားသည်။
ဘရော့ဒ်ဘက်၏ ဇာတ်ကောင် စရိုက်နှင့်စပ်လျဉ်း၍ အသေးစိတ် ပြောကြားခြင်း မရှိသေးသော်လည်း ပြောရေးဆိုခွင့်ရှိသူ တစ်ဦး၏ ပြောကြားချက်ကို ကိုးကား၍ Entertainment Weekly က ဘရော့ဒ်ဘက်သည် အရေးပါသော ဇာတ်ကောင်စရိုက်ကို သရုပ်ဆောင် သွားမည်ဖြစ်ကြောင်း ပြောကြားသည်။
အသက် ၆၇ နှစ်အရွယ်ရှိ ဗြိတိန်မင်းသား ဘရော့ဒ်ဘက်သည် ၂၀၀၂ ခုနှစ်က “Iris” ရုပ်ရှင်ကားဖြင့် အော်စကာဆုရရှိခဲ့သည်။ဘရော့ဒ်ဘက်သည် “ War and Peace” ၊ “ London Spy” ကဲ့သို့သော ရုပ်မြင်သံကြား အစီစဉ်များတွင် ပါဝင်သရုပ်ဆောင်ခဲ့သည့်အပြင် “ Brooklyn” ၊ “ Paddington and the Birdget Jones” ဇာတ်လမ်းတွဲ ကဲ့သို့သော ရုပ်ရှင်ကားများတွင် ပါဝင်သရုပ်ဆောင်ခဲ့သည်။
ဘရော့ဒ်ဘက်သည် ဟယ်ရီပေါ်တာ ရုပ်ရှင်များမှ ပါမောက္ခ ဟောရစ်ဆလက်ဂါရွန် ဇာတ်ရုပ်ဖြင့် လူသိများကျော်ကြားခဲ့သည်။ ” Game of Thrones” ဇာတ်ကားအပိုင်း ၇ကို ဆောင်းရာသီတွင် ရိုက်ကူးသွားမည်ဖြစ်သည်။
“ Game of Thrones” ဇာတ်ကားသည် ၂၀၁၅ ခုနှစ်က Emmy Awardsဆု ၁၂ဆု စံချိန်တင်ရရှိခဲ့ပြီး ယခုနှစ်က နောက်ထပ် ဆု ၂၃ ဆုအတွက် လျာထားခြင်းခံရသည်။