နယူးယော့ခ်၊ သြဂုတ် ၁၉ ။ ။ ပေါ့ပ်ကြယ်ပွင့် လေဒီဂါဂါသည် တိုနီဘန်နက်နှင့် “ Cheek To Cheek” တေးအယ်လ်ဘမ် နောက်ဆုံးထွက်ရှိခဲ့ပြီးနောက် နှစ်နှစ်အကြာတွင် တေးသီချင်းသစ်နှင့်အတူ ဂီတလောကသို့ ပြန်လည်ရောက်ရှိလာမည်ဖြစ်သည်။
လေဒီဂါဂါက ၎င်း၏ တေးသီချင်းသစ်ကို “ Perfect lllusion” ဟု အမည်ပေးထားကြောင်း သြဂုတ်၁၇ရက်က ၎င်း၏ အင်စတာဂရမ် အကောင့်မှတစ်ဆင့် ကြေညာခဲ့သည်။တေးသီချင်းအယ်လ်ဘမ်သစ် ထွက်ရှိမည့်ရက်ကို ယခုအချိန်ထိ ထုတ်ပြန်ခြင်းမရှိသေးပေ။
လေဒီဂါဂါသည် “ Perfect lllusion” နှင့်ပတ်သက်၍ အသေးစိတ်ပြောကြားခဲ့ခြင်းမရှိဘဲ စက်တင်ဘာလတွင် ဖြန့်ချိသွားမည်ဖြစ်ကြောင်းသာ ပြောကြားခဲ့သည်။
ဂါဂါသည် ဘရက်ဒ်လေကော့ပါး၏ မကြာမီထုတ်လွှင့်ပြသမည့် ၁၉၃၇ ခုနှစ် ဇာတ်ကားကို ပြန်လည်ရိုက်ကူးမည့် “ A Star is Born” ဇာတ်ကားတွင် ပါဝင်သရုပ်ဆောင်မည်ဖြစ်ကြောင်း အတည်ပြုပြောကြားခဲ့သည်။ လေဒီဂါဂါသည် ယင်းဇာတ်ကားအတွက် တေးသီချင်း ရေးစပ်ပေးသွာမည်ဖြစ်သည်။
ဂါဂါ၏ နောက်ဆုံးထွက်ရှိခဲ့သော တစ်ကိုယ်တော် တေးအယ်လ်ဘမ်သည် “ Artpop” တေးအယ်လ်ဘမ်ဖြစ်ပြီး တေးအယ်လ်ဘမ်ဇယားတွင် ထိပ်ဆုံးနေရာကို သုံးကြိမ် ရယူခဲ့သည့် တေးအယ်လ်ဘမ်ဖြစ်သည်။“ Perfect lllusion” တေးသီချင်းသစ်ကို စက်တင်ဘာလတွင် ထွက်ရှိသွားမည်ဖြစ်သည်။