ဆိုးလ်၊ သြဂုတ် ၁၃ ။ ။ ၂၀၁၆ ခုနှစ် “ Director’s Cut Awards” ဆုပေးပွဲကို သြဂုတ် ၁၂ရက်က Jecheon နိုင်ငံတကာတေးဂီတ နှင့် ရုပ်ရှင်ပွဲတော် နှင့်အတူ ကျင်းပပြုလုပ်ခဲ့သည်
ယခုနှစ်အတွက် အကောင်းဆုံးဒါရိုက်တာဆုကို “ The Wailing” ရုပ်ရှင်ကား ဒါရိုက်တာ နာဟောင်ဂျင်က ရရှိသွားခဲ့ပြီး “ The Priests” ရုပ်ရှင်ကား ဒါရိုက်တာ ဂျောင်ဂျေဟွန်းသည် အကောင်းဆုံး မျက်နှာသစ်ဒါရိုက်တာဆုကို ရရှိခဲ့သည်။
အကောင်းဆုံးထုတ်လုပ်သူဆုကို “ Dongju: The Portrait of a Poet” ရုပ်ရှင်ကားဖြင့် Shin Yeon Shik ကရရှိခဲ့ပြီး “ Alice in Earnestland” ရုပ်ရှင်ကား ဒါရိုက်တာ အန်ဂွတ်ခ်ဂျင်က Best Independent Flim Director ဆုကို ရရှိခဲ့သည်။
မင်းသားလီဗြောင်ဟွန်းသည် “ Inside Men” ရုပ်ရှင်ကားဖြင့် ယခုနှစ်၏ အကောင်းဆုံး အမျိုးသားသရုပ်ဆောင်ဆုကို ရရှိခဲ့ပြီး မင်းသမီး ကင်မင်ဟီးက “ The Handmaiden” ရုပ်ရှင်ကားဖြင့် အကောင်းဆုံးအမျိုးသမီးသရုပ်ဆောင်ဆုကို ရရှိခဲ့သည်။
မင်းသားပက်ခ်ဂျောင်မင်သည် “ Dongju: The Portrait of a Poet” ရုပ်ရှင်ကားဖြင့် အကောင်းဆုံးမျက်နှာသစ် အမျိုးသားသရုပ်ဆောင်ဆုကိုရရှိခဲ့ပြီး ကင်ထယ်ရီသည် “ The Handmaiden” ရုပ်ရှင်ကားဖြင့် အကောင်းဆုံး မျက်နှာသစ် အမျိုးသမီးသရုပ်ဆောင်ဆုကိုရရှိခဲ့သည်။
Jecheon နိုင်ငံတကာ ရုပ်ရှင် နှင့် တေးဂီတပွဲတော်ကို သြဂုတ်၁၁ ရက်က စတင်ကျင်းပခဲ့ပြီး သြဂုတ်၁၆ရက်အထိ ကျင်းပသွားမည်ဖြစ်သည်။