နယူးယော့ခ်၊ သြဂုတ် ၁၃ ။ ။ ဆယ်ကျော်သက်အရွယ်များ အသည်းစွဲအဆိုတော် ဂျက်စတင်ဘီဘာသည် တစ်နှစ်အတွင်း ဗြိတိန် တစ်ကိုယ်တော် တေးသီချင်းဇယား၌ ထိပ်ဆုံးနှစ်နေရာတွင် ခုနစ်ကြိမ် ရပ်တည်ခဲ့ကြောင်း သတင်းတစ်ရပ်တွင် ဖော်ပြထားသည်။
မေဂျာလာဇာနှင့် ပူးတွဲသီဆိုထားသော “Cold Water” တေးသီချင်းသည် သီတင်းပတ် သုံးပတ်ကြာ နံပါတ်တစ်နေရာတွင် ရပ်တည်ခဲ့ပြီး ဒီဂျေစနိတ်ခ် နှင့် သီဆိုထားသော “ Let Me Love You” တေးသီချင်းသည် နံပါတ် ၂ နေရာတွင် ရပ်တည်နေသည်။
၁၉၈၅ ခုနှစ်က မက်ဒေါနားသည် “ Into The Groove” နှင့် “Holiday” တေးသီချင်းတို့ဖြင့် ဗြိတိန်တေးဂီတဇယား၏ ထိပ်တန်းနှစ်နေရာတွင် ရပ်တည်ခဲ့ပြီးနောက်ပိုင်း ဇယား၏ ထိပ်တန်းနှစ်နေရာတွင် ရပ်တည်ခဲ့သည့် တေးသံရှင်မရှိခဲ့ကြောင်း နှင့် ယခုအခါ ဂျက်စတင်ဘီဘာသည် ဇယား၏ ထိပ်တန်းနှစ်နေရာတွင် ရပ်တည်နိုင်ခဲ့သည်။
ဗြိတိန်အဆိုတော် ကာလမ်စကော့သည် “ Dancing On My Own” တေးသီချင်းဖြင့် ဗြိတိန်တစ်ကိုယ်တော် တေးသီချင်းဇယားတွင် နံပါတ် ၃နေရာတွင် ရပ်တည်နေပြီး အဆိုတော် ဂျိုနက်စ်ဘလူး၏ တေးသီချင်း “ Perfect Strangers”သည် နံပါတ် ၄နေရာတွင် ရပ်တည်နေသည်။
အမေရိကန် နှစ်ယောက်တွဲအဆိုတော်အဖွဲ့ Chainsmokers အဖွဲ့သည် “ Don’t Let Me Down” တေးသီချင်းဖြင့် နံပါတ် ၅ နေရာတွင် ရပ်တည်ခဲ့သည်။