ဆိုးလ်၊ သြဂုတ် ၁၁ ။ ။ “ Doctors” ဒရမ်မာဇာတ်ကား လူကြိုက်များမှုမြှင့်တတ်လာမှုနှင့်အတူ မင်းသမီး ပက်ခ်ရှင်ဟေး နှင့် ယင်းဇာတ်ကားတွင် ပက်ခ်ရှင်ဟေးဝတ်ဆင်ခဲ့သော လက်ဝတ်ရတနာများအပေါ် လူကြိုက်များမှုသည် သိသိသာသာ မြှင့်တတ်လာခဲ့သည်။
ပက်ခ်ရှင်ဟေးသည် မကြာသေးမီက Weibo ဝက်ဆိုဒ်တွင် လူကြိုက်အများဆုံး မင်းသမီးအဖြစ် နံပါတ်တစ်နေရာကို ရရှိထားသည်။ “ Doctors” ဒရမ်မာဇာတ်ကားသည် လူကြိုက်များသော ဇာတ်ကားစာရင်းတွင် နံပါတ် ၁၀နေရာမှ ရပ်တည်နေခြင်းက ပြည်ပတွင် မင်းသမီးပက်ခ်ရှင်ဟေး နှင့် အဆိုပါ ဒရမ်မာဇာတ်ကားအပေါ် လူကြိုက်များမှုကို ပြသနေသည်။
၂၀၁၄ ခုနှစ်စတင်၍ ပက်ခ်ရှင်ဟေး မော်ဒယ်အဖြစ် လုပ်ဆောင်ခဲ့သော လက်ဝတ်ရတနာအမှတ်တံဆိပ် Agatha Parisသည်လည်း ပက်ခ်ရှင်ဟေး၏ ကျော်ကြားမှုနှင့်အတူ များပြားလှသော အကျိုးကျေးဇူးများရရှိခဲ့သည်။ “ Doctors” ဒရမ်မာဇာတ်ကားတွင် ပက်ခ်ရှင်ဟေးသည် Agatha အမှတ်တံဆိပ် လက်ဝတ်ရတနာများ ဝတ်ဆင်ခဲ့ပြီး Mini Mozart နာရီ နှင့် Coco Rose လည်ဆွဲတို့ကို နောက်ဆုံးအပိုင်းတွင် ဝတ်ဆင်ခဲ့သည်။
ပြည်ပခရီးသွားများသည် Agatha အမှတ်တံဆိပ် လက်ဝတ်ရတနာ လက်လီရောင်းချသူများထံသို့ လာရောက်ခဲ့ပြီး အထူးသဖြင့် ပက်ခ်ရှင်ဟေး၏ လည်ဆွဲကို မေးမြန်းခဲ့ကြသည်။ပြီးခဲ့သည့်လမှစ၍ ယင်းအမှတ်တံဆိပ်သည် ၂၀၀ရာခိုင်နှုန်းအထိရောင်းချခဲ့ရသည်။