ဆိုးလ်၊ သြဂုတ် ၈ ။              ။ ဖုတ်ကောင် (zombie) များအကြောင်းကို ရိုက်ကူးထားသော  တောင်ကိုရီးယား ရုပ်ရှင်ကား “ Train to Busan”သည် ကြည့်ရှုသူ ၁၀သန်းကျော်ရှိခဲ့ပြီဖြစ်ကြောင်း သတင်းတစ်ရပ်တွင် ဖော်ပြထာသည်။

“ Train to Busan” ရုပ်ရှင်ကားကို ဇူလိုင် ၂၀ရက်က ထုတ်လွှင့်ပြသပြီးနောက်ပိုင်း ရုံတင်ပြငွေစာရင်းတွင် နေရာယူထားသည်။အဆိုပါ ရှပ်ရှင်ကားသည် ကြည့်ရှုသူ ၁၀သန်း ကျော်လွန်မည့် ၂၀၁၆ ခုနှစ် ပထမဆုံးကိုရီးယား ရုပ်ရှင်ကားဖြစ်သည်။” A Violent Prosecutor” ရုပ်ရှင်ကားသည် ယခင်က ယခုနှစ်၏ ရုံတင်ပြသငွေစာရင်း အမြင့်ဆုံးစံချိန်တင်ခဲ့သည်။

“ Train to Busan” ရုပ်ရှင်ကားသည် ကိုရီးယားနိုင်ငံတွင်  “ Big 4” ဟုအမည်ပေးထားသော နွေရာသီ လူကြိုက်များသည့် ရုပ်ရှင်ကားလေးကားတွင် တစ်ကားအပါအဝင်ဖြစ်သည်။လူကြိုက်များသော ရုပ်ရှင်ကားလေးကားတွင် “ Operation Chromite” ၊ “ The Last Princess” နှင့် “ Tunnel” ရုပ်ရှင်ကားတို့ ပါဝင်သည်။” Train to Busan ” ရုပ်ရှင်ကားကို  ယခုနှစ်အစောပိုင်းတွင် ၆၉ ကြိမ်မြောက် ကိန်းရုပ်ရှင်ပွဲတော်တွင် ပြသခဲ့သည်။

အဆိုပါ ရုပ်ရှင်ကားသည်  ဒါရိုက်တာ ယွန်ဆောင်ဟို၏ ကြည့်ရှုသူ ၁၀သန်းရရှိထားသည့် ပထမဆုံးရုပ်ရှင်ကားလည်း ဖြစ်သည်။ ဟောလိဝုဒ်ရုပ်ရှင်များသည်  ကြည့်ရှုမှုနှုန်း မြင့်မားနေသော်ငြားလည်း ယွန်ဆောင်ဟိုသည် ကိုရီယား ပရိသတ်များအတွက်  ပြောင်မြောက်သော ဖုတ်ကောင်(zombie) ရုပ်ရှင်ကို ထုတ်လုပ်ပေးသည့်အတွက် ဂုဏ်ပြုခံရသည်။