The Pirates Of The Caribbean မင်းသား ဂျွန်နီဒပ်သည် ကွာရှင်းပြတ်စဲမည့်ကိစ္စကို ဖြေရှင်းရာတွင် ဘဏ္ဍာရေးဆိုင်ရာ စာရွက်စာတမ်းများကို လွှဲပြောင်းပေးရန် ငြင်းဆန်လျက်ရှိကြောင်း အမ်မာဟာ့ဒ်က သြဂုတ် ၂ ရက်က တရားရုံး၌ ထပ်မံတိုင်တန်းထားသော စာရွက်စာတမ်းများတွင် ပြောကြားထားသည်။

ပြီးခဲ့သည့် သီတင်းပတ်က ဘဏ္ဍာရေးဆိုင်ရာ အချက်အလက်များအတွက် ဟာ့ဒ်၏ တရားဝင် မေတ္တာရပ်ခံချက်ကို  ဂျွန်နီဒပ်က ပြန်လည်တုံ့ပြန်ခဲ့သည်။

အသက် ၅၃ နှစ်အရွယ်ရှိ ဂျွန်နီဒပ်က တရားရုံးကို ဟာ့ဒ်နှင့်ပတ်သက်သည့် ယုံကြည်စိတ်ချရသော သဘောတူညီချက်အတွက် တောင်းဆိုခဲ့ပြီး ကွာရှင်းသည့် ကိစ္စတွင် စာရွက်စာတမ်းများ အားလုံးကို ကာကွယ်ပေးသည့် အမိန့်တစ်ခုကိုလည်း တောင်းဆိုခဲ့သည်။

ဂျွန်နီဒပ်သည် ထုတ်ဖော်ပြောကြားခြင်းမရှိသော သဘောတူညီချက်ကို သက်သေလက်မှတ် ရေးထိုးသော ကျွမ်းကျင်ပညာရှင်များနှင့် မျက်မြင်သက်သေများကိုလည်း မေတ္တာရပ်ခံမှုများကို ပြုလုပ်ခဲ့ပြီး မည်သည့် ချိုးဖောက်မှုမျိုးကိုမဆို ဟာ့ဒ်နှင့် ၎င်း၏ ရှေ့နေအဖွဲ့သည် ဥပဒေချိုးဖောက်မှုတိုင်းအတွက် အမေရိကန်ဒေါ်လာ ၁၀၀၀၀၀ ပေးဆောင်ရမည်ဟု တောင်းဆိုခဲ့သည်။

ယခုအချိန်ထိ ဟာ့ဒ်သည် ကွာရှင်းသည့်ကိစ္စတွင် ယုံကြည်စိတ်ချရမှုအတွက် မည်သည့် သဘောတူညီချက်ကိုမဆို လက်မှတ်ရေးထိုးရန် ငြင်းဆန်လျက်ရှိသည်။ ဟာ့ဒ်နှင့် ၎င်း၏ ရှေ့နေ ဆမန်သာစပက်တာတို့သည် မီဒီယာများနှင့် တစ်ကြိမ်ထက်မနည်း ပါဝင်ဆောင်ရွက်ခဲ့ပြီး တရားဝင် ပေးအပ်သည့် ဥစ္စာကြေးငွေ အကြောင်းကြားချက်မှ ကန့်သတ်ချက်များကို ပေါက်ကြားအောင် လုပ်ဆောင်ခဲ့ကြောင်း ဂျွန်နီဒပ်၏ ရှေ့နေ့က စွပ်စွဲ ပြောကြားထားသည်။

ဒပ်၏ ထုတ်ဖော်ပြောကြားခြင်းမရှိသော သဘောတူညီချက်သည် လက်ခံနိုင်စရာ မရှိခြင်းကြောင့် ဒဏ်ကြေးငွေ အမေရိကန်ဒေါ်လာ ၁၀၀၀၀၀ တောင်းဆိုမှုသည် ပေါက်ကြားခဲ့ခြင်းဖြစ်ကြောင်း ဟာ့ဒ်က ထပ်မံတိုင်တန်းထားသော စာရွက်စာတမ်းတွင် ပြောကြားထားသည်။

မေလက ဟာ့ဒ်သည် ဂျွန်နီဒပ်ကို အိမ်တွင်းအကြမ်းဖက်မှုဖြင့် တရားစွဲဆိုခဲ့ပြီး ကွားရှင်းပေးရန် တရားရုံးတွင် အမှုဖွင့်ခဲ့သည်။

Ref; Yahoo