လော့စ်အိန်ဂျလိစ် ၊ ဇူလိုင် ၂၆ ။              ။ သြစေတြေးလျရက်ပ်အဆိုတော်  အစ်ဂီအဇေးလီးယားသည် ပြီးခဲ့သည့်လ ဘတ်စကက်ဘောကစားသမား နစ်ခ်ယောင်နှင့် စေ့စပ်ကြောင်းလမ်းမှုကို ဖျက်သိမ်းခဲ့ပြီးနောက် ဇူလိုင် ၂၃ ရက်က အစ်ဂီအဇေးလီးယားကို ရက်ပ်ပါ ဖရက်မွန်တာနာနှင့် အတူတွေ့ရှိခဲ့ကြောင်း ကောလဟာလသတင်းများ ထွက်ပေါ်ခဲ့သည်။

အစ်ဂီအဇေးလီးယားနှင့် ဖရက်မွန်တာနာတို့နှစ်ဦးသည် အစ်ဂီဖျော်ဖြေပွဲပြုလုပ်သွားမည့် Jewel နိုက်ကလပ်သို့မသွားခင် ဂျန်နီဖာလိုပက်ဇ်၏  All I Have ဖျော်ဖြေပွဲသို့ တတ်ရောက်ခဲ့သည်။” သူတို့နှစ်ဦးဟာ ရယ်မောပျော်ရွှင်စွာနဲ့ ကခုန်ခဲ့ကြတယ်။သူတို့နှစ်ဦးကို ကြည့်ရတာ ပျော်ရွှင်နေတဲ့ပုံရပါတယ်”ဟု ပရိတ်တစ်ဦးက  Us Weeklyကို ပြောကြားခဲ့သည်။

ဖရက်သည် အစ်ဂီ၏ဖျော်ဖြေမှုကို ကြည့်ရှုခဲ့ကြောင်း နှင့် အစ်ဂီသည် “ Fancy” နှင့် “ Black Widow” တေးသီချင်းအပါအဝင် နာမည်ကျော်ကြားသော တေးသီချင်းများကို ဖျော်ဖြေခဲ့သည်။ယင်းနောက် ၎င်းတို့နှစ်ဦးသည် နံနက် ၂ နာရီ မိနစ်၃၀အချိန်ခန့်တွင် အတူထွက်ခွာသွားခဲ့ကြောင်း ပွဲကြည့် ပရိသတ်တစ်ဦးက ပြောကြားသည်။

အစ်ဂီက ဘတ်စကက်ဘောကစားသမား နစ်ခ်ယောင်သည် ၎င်းအပေါ် လိမ်ညာလှည့်ဖျားခဲ့ကြောင်း ပြောကြားခဲ့ပြီးနောက် ပြီးခဲ့သည့်လက စေ့စပ်ကြောင်းလမ်းမှုကို ဖျက်သိမ်းခဲ့သည်။ ယင်းနောက်တွင်   ယောင်၏ ရည်စားဟောင်းဖြစ်သူ ကီအွန်နာဂရင်းသည် ယခုအခါ ယောင်၏ဒုတိယမြောက် ရင်သွေးလေးကို လွယ်ထားရပြီဖြစ်ကြောင်း ထုတ်ဖော်ပြောကြားခဲ့သည်။ ယောင်နှင့် ဂရေးတို့တွင် အသက်လေးနှစ်အရွယ် နစ်ခ်ဂျူနီယာအမည်ရှိ သားတစ်ယောက်ရှိသည်။