နေပြည်တော်၊ ဇွန် ၈ ။ ။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဇွန်လ ၈ ရက် နေ့လည်ပိုင်းတွင် နေပြည်တော်ရှိ မျက်စိ၊ နား၊ နှာခေါင်း၊ လည်ချောင်း အထူးကုဆေးရုံကြီးတွင် မျက်စိစစ်ဆေးမှုခံယူသွားမည်ဖြစ်သည်။
"မျက်စိအတွင်းတိမ်ခွဲစိတ်ပြီးတဲ့ လူနာတိုင်းကို တစ်လကျော်ပြီဆို နောက်ဆုံးအကြိမ်ပြန်လည်စစ်ဆေးရတဲ့နေ့ပေါ့ Final Ckeck up လို့လည်း ပြောလို့ရပါတယ်" ဟု စစ်ဆေးမှုပြု လုပ်ပေးမည့် ပါမောက္ခ ဒေါက်တာ ခင်ဥမ္မာခိုင်ကပြောသည်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဧပြီလ ၉ ရက် နှင့် ၁၆ ရက်တို့တွင် မျက်စိခွဲစိတ်မှုခံယူခဲ့ပြီး ၁၀၀ ရာခိုင်နှုန်း ခွဲစိတ်မှုအောင်မြင်ခဲ့သည်ဟု ဦးဆောင်ခွဲစိတ်မှုပြုလုပ်ခဲ့သည် ဒေါက်တာ ခင်ဥမ္မာခိုင်၏ ပြောသည်။
ဒေါ်အောင်ဆန်းစုကြည်၏ မျက်စိသည် အသက်အရွယ်အရ ဖြစ်လေ့ဖြစ်ထရှိသည့် အတွက် စိုးရိမ်စရာမရှိကြောင်းလည်း ၎င်းကဆိုသည်။
နိုင်ငံတော်အတိုင်ပင်ခံပုဂ္ဂိုလ်ဖြစ်သူ ဒေါ်အောင်ဆန်းစုကြည်သည် ယခုလ (ဇွန်) ၁၉ ရက်တွင် အသက် ၇၁ နှစ် ပြည့်တော့မည်ဖြစ်သည်။
