ဆိုးလ်၊ ဇွန် ၃ ။ ။ ကေပေါ့ပ် မိန်းကလေး အဆိုတော်အဖွဲ့ EXID ၏ ပထဆုံး စတူဒီယိုအယ်လ်ဘမ် ”Street” သည် ပြည်တွင်းနှင့် ပြည်ပနိုင်ငံများရှိ တေးဂီတဇယားတွင် ထပ်ဆုံးမှ ရပ်တည်လျက် ရှိသည်။
EXID အဖွဲ့သည် “Street” စတူဒီယို အယ်လ်ဘမ်ကို ဇွန် ၁ ရက်က ဖြန့်ချိခဲ့ကြောင်းနှင့် ခေါင်းစီးတေးသီချင်း “L.I.E” သည် ပြည်တွင်း တေးဂီတဇယားများဖြစ်သော Mnet ၊ Genie ၊ Bugs ၊ Olleh Music နှင့် Soribada တို့တွင် ထိပ်ဆုံးမှ ရပ်တည်ခဲ့သည်။
တေးအယ်လ်ဘမ်ကို မေ ၃၁ ရက်က iTunes တွင် ဖြန့်ချိခဲ့ရာ အာရှတွင် လူကြိုက်များမှု ရရှိခဲ့သည်။ ဟောင်ကောင်တွင် ကေပေါ့ပ် တေးအယ်လ်ဘမ်ဇယားတွင် ထိပ်ဆုံးမှ ရပ်တည်နေပြီး ခေါင်းစီးတေးသီချင်းသည်လည်း တစ်ကိုယ်တော် တေးသီချင်းဇယားတွင်ထပ်ဆုံးမှ ရပ်တည်လျက်ရှိ သည်။ “ Street” တေးအယ်လ်ဘမ်သည် မလေးရှားရှိ ကေပေါ့ပ် တေးအယ်လ်ဘမ်ဇယားတွင် ထိပ်ဆုံးမှ ရပ်တည်ခဲ့သည့်အပြင် ထိုင်ဝမ်ရှိ တေးအယ်လ်ဘမ် ဇယားတွင်လည်း ထိပ်ဆုံးမှ ရပ်တည် ခဲ့သည်။
“Street” တေးအယ်လ်ဘမ်တွင် အဖွဲ့ဝင်များ၏ တစ်ကိုယ်တော်နှင့် နှစ်ယောက်တွဲ တေးသီ ချင်းများ အပါအဝင် တေးသီချင်း ၁၃ ပုဒ် ပါဝင်သည်။
