ဆိုးလ်၊ ဧပြီ ၂၆ ။ ။ တောင်ကိုရီးယား မင်းသား လီမင်ဟိုကို ဒေသတွင်း ကျန်မာရေး အစားအစာအမှတ်တံဆိပ် Good Base ၏ မျက်နှာသစ် မော်ဒယ်အဖြစ် လုပ်ဆောင်ပေးရန် တစ်နှစ်စာချုပ် ချုပ်ဆိုခဲ့ကြောင်း ကုမ္ပဏီက ဧပြီ ၂၅ ရက်တွင် ပြောကြားခဲ့သည်။
“ လီမင်ဟိုရဲ့ သန့်ရှင်းမှုနဲ့ ကျန်းမာရေး ကောင်းမွန်သော ပုံရိပ်တို့က Good Base က အလေးထား လုပ်ဆောင်နေတဲ့ သဘာဝသန့်စင်မှုအတွက် သင့်တော်ပါတယ်”ဟု Good Base မှ တာဝန်ရှိပုဂ္ဂိုလ် လီကောင်ဒန်က ပြောကြားသည်။
လီမင်ဟိုသည် “ Boys Over Flowers” နှင့် “ The Heirs”ကဲ့သို့သော ဒရမ်မာကားများဖြင့် ပရိသတ်များ၏ အားပေးမှုကို ရရှိခဲ့သော မင်းသားဖြစ်သည်။ Good Base သည် ကိုရီယားဂျင်ဆင်း ကော်ပိုရေးရှင်းက လုပ်ကိုင်နေသော ကျန်းမာရေးဆိုင်ရာ အစားအစာ အမှတ်တံဆိပ်တစ်ခုဖြစ်သည်။
ကိုရီးယားဂျင်ဆင်း ကော်ပိုရေးရှင်းသည် ၎င်းတို့၏ အမှတ်တံဆိပ် ထုတ်ကုန်အားလုံးကို အရည်အသွေးသတ်မှတ်ချက် ၂၉၀ အပေါ် မူတည်၍ ကြပ်မတ်လုပ်ဆောင်လျက်ရှိသည်။
