မန်ချက်စတာယူနိုက်တက်နဲ့ အင်္ဂလန်ကြယ်ပွင့်ဟောင်း ဆာဘော်ဘီချာလ်တန်ဟာ အသက် ၈၆ နှစ်အရွယ်မှာ ကွယ်လွန်သွားခဲ့ပြီဖြစ်တယ်လို့ စနေနေ့မှာ ကြေညာခဲ့ပြီး သူဟာ အင်္ဂလိပ်ဘောလုံးလောကရဲ့ ရွှေခေတ်ရဲ့ လူကြီးလူကောင်းဆန်တဲ့ စံပြပုဂ္ဂိုလ်အဖြစ် သမိုင်းမှာ ဆက်ပြီး အမှတ်ရနေတော့မှာ ဖြစ်ပါတယ်။
သူ့ရဲ့ ယူနိုက်တက် အသင်းဖော် ၈ ဦး အသက်ဆုံးရှုံးခဲ့တဲ့ ၁၉၅၈ မြူးနစ်လေကြောင်း ဖြစ်ရပ်ဆိုးကနေ လွတ်မြောက်လာသူ ချာလ်တန်ဟာ ၁၉၆၆ မှာ အင်္ဂလန်အသင်းနဲ့အတူ ကမ္ဘာ့ဖလား ဆွတ်ခူးကာ နှစ်နှစ်အကြာမှာ ယူနိုက်တက်နဲ့အတူ ဥရောပဖလားတို့ကို ရရှိခဲ့ပါတယ်။
သူ့ရဲ့ ပြင်းထန်ပြီး အန္တရာယ်ပါတဲ့ ဂိုးသွင်းချက်နဲ့ သန့်ရှင်းတဲ့ ကစားဟန်နှစ်ခုစလုံးကြောင့် ကစားသမားတစ်ဦးအဖြစ် ကျော်ကြားခဲ့ပြီး သူဟာ နောက်ပိုင်းမှာ ယူနိုက်တက်ဒါရိုက်တာတစ်ဦးဖြစ်လာခဲ့ပြီး ကွင်းတွင်းကွင်းပြင်ပမှာပါ ခေတ်ရဲ့ စံပြပုဂ္ဂိုလ်တစ်ဦးအဖြစ် မြင်တွေ့လာခဲ့ပါတယ်။
နောက်ပိုင်းနှစ်တွေမှာတော့ စိတ်ကျရောဂါ ရလာတာနဲ့အမျှ ချာလ်တန်ဟာ အိုးထရက်ဖို့ဒ်မှာ ပွဲတွေ မတက်နိုင်တော့ပါဘူး။
ချာလ်တန်လိုပဲ မြူးနစ်ပျက်ကျမှုမှ လွတ်မြောက်ခဲ့တဲ့ ယူနိုက်တက်ရဲ့ ကွယ်လွန်သူ မန်နေဂျာဟောင်း မက်ခ် ဘတ်ဘီက “ဒီထက် နာမည်ကြီး ဘောလုံးသမားဆိုတာ ဘယ်တုန်းကမှ မရှိခဲ့ဖူးပါဘူး။
"သူဟာ ဖြစ်နိုင်သလောက် ယောကျ်ားနဲ့ ကစားသမားလိုမျိုး ပြီးပြည့်စုံလုနီးပါးပါပဲ။"
သပ်ရပ်ပြေပြစ်မှုရှိပြီး နောက်ချန်တိုက်စစ်သမားကနေ အစွမ်းထက်တဲ့ ချာလ်တန်ဟာ ဘောလုံးကို ခြေတဖက်နဲ့တဖက် အညီအမျှ ပိုင်ပိုင်နိုင်နိုင် ကန်သွင်းနိုင်ပြီး တိုက်စစ်မှူးတစ်ဦးရဲ့ ပုံမှန်ပုံစံဖြင့် ဂိုးသွင်းနိုင်ကာ မကြာခဏဆိုသလိုပဲ ဂိုးပြင်ပကနေလည်း သွင်းလေ့ရှိပါတယ်။
"သူဟာ လှပတဲ့ ကစားသမားတစ်ယောက်ဖြစ်ပြီး ဘောလုံးလောကရဲ့ ချစ်စရာကောင်းတဲ့ တိုက်စစ်မှူးတစ်ဦးဖြစ်ပါတယ်"လို့ သူ့ရဲ့ ယူနိုက်တက်အသင်းဖော် ဒင်းနစ်လော်က ပြန်လည်ပြောပြခဲ့ပါတယ်။
သူဟာ စံပြ အားကစားသမားတစ်ဦးဖြစ်ပြီး သူ့ရဲ့ ကစားသမားဘဝတစ်လျှောက်လုံးမှာ နှစ်ကြိမ်သာ ပွဲပယ်ခံခဲ့ရပြီး တကြိမ်မှ အထုတ်မခံရသူဖြစ်ပါတယ်။
Ref; AFP
