ကုလနဲ့ အာဆီယံအပါအဝင် ကမ္ဘာ့အင်အားကြီးနိုင်ငံတွေဟာ မြန်မာ့အရေးကိုအဖြေရှာဖို့ နိုင်ငံရေးဒိုင်ယာလော့ဆီ ဦးတည်နေတာတွေ့ရပါတယ်။
ပြီးခဲ့တဲ့နှစ်ကုန်ပိုင်းမှာ ကုလလုံခြုံရေးကောင်စီက မြန်မာ့အရေးဆုံးဖြတ်ချက် အမှတ် ၂၆၆၉ ကိုချမှတ်ခဲ့သလို အမေရိကန်ကလည်း အမျိုးသားကာကွယ်ရေး လုပ်ပိုင်ခွင့်ဆိုင်ရာအက်ဥပဒေ (NDAA)ထဲမှာ Burma Act ဥပဒေကိုပါ ထည့်သွင်းပြဋ္ဌာန်းခဲ့တာဖြစ်ပါတယ်။
ဒေသတွင်းအဖွဲ့အစည်း အာဆီယံ ကလည်း မူ ၅ ချက်နဲ့ ဆက်လက်အဖြေရှာဖို့ ဆုံးဖြတ်ထားခဲ့တာပါ။ တရုတ်ကတော့ စစ်ကောင်စီနဲ့ တိုင်းရင်းသား လက်နက်ကိုင်တွေအကြား အသွားအပြန်တွေလုပ်ပြီး အစီအစဉ်ဆွဲနေတာဖြစ်ပါတယ်။
