ဇူလိုင် ၂၅
သေဒဏ်ချမှတ်ခံထားရသည့် ဦးဂျင်မီနှင့်ဦးဖြိုးဇေယျာသော်အပါအဝင်လေးဦးကို ပြစ်ဒဏ်စီရင်ဆောင် ရွက်ပြီးစီးပြီဖြစ်ကြောင်း ဇူလိုင်လ ၂၅ ရက်နေ့ စစ်ကောင်စီဝါဒဖြန့် မီဒီယာများမှထုတ်ပြန်ထားသည်။
မြန်မာ့အလင်းသတင်းစာတွင် ဦးကျော်မင်းယု(ခ)ဦးဂျင်မီ၊ ဦးဖြိုးဇေယျာသော်(ခ)မောင်ကျော်၊ ဦးလှမျိုး အောင်(ခ)ကိုမျိုးနှင့် အောင်သူရဇော်(ခ)ကိုကတုံးတို့လေးဦးကို အကျဉ်းထောင် လုပ်ထုံးလုပ်နည်းများနှင့် အညီ ပြစ်ဒဏ်စီရင်ခဲ့ကြောင်း ရေးသားထားသည်။
ထိုသို့ဖော်ပြရာတွင် “ပြစ်ဒဏ်စီရင်ဆောင်ရွက်ပြီးစီး” ဟူသောအသုံးအနှုန်းကိုသုံးနှုန်းခဲ့သဖြင့် စီရင်ပြီး စီးခြင်းဖြစ်နိုင်ချေများကြောင်း နိုင်ငံရေးအကျဉ်းသားများအရေးဆောင်ရွက်ပေးနေသည့် ဝါရင့်ရှေ့နေ တစ် ဦးကဆိုသည်။
“ ပြစ်ဒဏ်စီရင်ပြီးဖြစ်တယ်လို့ သုံးထားပါတယ်။ သုံးတာလည်း ဒီတိုင်းပဲသုံးရပါတယ်။ ခုနကလို ကြိုးပေး ကွပ်မျက်လိုက်ပြီတို့ ကြိုးပေးစီရင်လိုက်ပြီတို့ သုံးလေ့မရှိဘူး။ ပြစ်ဒဏ်စီရင်ဖြစ်တယ်ဆိုတာလုံလောက် ပါပြီ။ သို့သော် စောင့်ကြည့်ရမှာပေါ့” ဟု ၎င်းကပြောသည်။
ဇူလိုင်လ ၂၂ ရက်နေ့တွင် ကိုဂျင်မီနှင့် ကိုဇေယျာသော်တို့၏ မိသားစုဝင်များအား စစ်ကောင်စီက အွန်လိုင်း မှ တဆင့် တွေ့ဆုံခွင့်ပေးခဲ့သည်။
ထို့နောက် ဇူလိုင် ၂၃ ရက်နေ့နှင့် ၂၄ ရက်နေ့တို့တွင် အကျဉ်းထောင်ဝန်ထမ်းများကို ဝတ်စုံပြည့်ဝတ် ခိုင်းခြင်းများရှိခဲ့သည်ဟု အထက်ပါသတင်းရင်းမြစ်က ဆိုသည်။
သို့သော်လည်း ၎င်းတို့လေးဦး၏ အခြေအနေနှင့်ပတ်သက်၍ မိသားစုဝင်များမှစုံစမ်းလျှက်ရှိနေသကဲ့သို့ စစ်ကောင်စီဘက်မှလည်း တစ်စုံတရာဖြေကြားခြင်းမရှိသေးပေ။
