တရုတ်နိုင်ငံတောင်ပိုင်းဒေသအချို့အပါအဝင် တရုတ်တွင် တုပ်ကွေးရောဂါ A (H3N2) တုပ်ကွေးဗိုင်းရပ်စ်များ အဓိကကူးစက်နှုန်းမှာ ဆက်တိုက်မြင့်တက်လာနေသည်ဟု တရုတ်အမျိုးသား တုပ်ကွေးစင်တာ (CNIC) မှ ထုတ်ပြန်ထားသည်။
CNIC ၏ နောက်ဆုံးအစီရင်ခံစာအရ တရုတ်နိုင်ငံတောင်ပိုင်းရှိ ပြည်နယ်ဒေသများတွင် တုပ်ကွေးရောဂါကူး စက်မှုသည် မေ ၉ ရက်မှစပြီး များပြာလာသည်။
မေလအစောပိုင်းတွင် ၂ ဒသမ ၈ ရာခိုင်နှုန်းရှိရာမှ ဇွန်လလယ်တွင် ၃၀ ဒသမ ၁ ရာခိုင်နှုန်းအထိတိုးလာခဲ့ကြောင်း Global Times က ဖော်ပြခဲ့သည်။
ဝယ်လိုအားများပြားမှုကြောင့် oseltamivir ကဲ့သို့သော တုပ်ကွေး ဆေးဝါး များသည် တရုတ်နိုင်ငံတောင်ပိုင်းရှိ ဆေးဆိုင်အများအပြားတွင် ရှားပါးနေကြောင်း မီဒီယာသတင်းများတွင် ဖော်ပြထားသည်။
ကိုဗစ်-၁၉ ကာကွယ်ထိန်းချုပ်ရေး အစီအမံများကြောင့် တုပ်ကွေးရောဂါဖြစ်ပွားမှု၏ အဓိက အကြောင်းရင်း ဖြစ်သည့် အသက်ရှုလမ်းကြောင်းဆိုင်ရာ ရောဂါပိုးများနှင့် ထိတွေ့မှုနည်းပါးကြောင်း ဆေးပညာရှင်များက မှတ်ချက်ပြုခဲ့သည်။
“နိုင်ငံရပ်ခြားမှာ ကိုဗစ်-၁၉ ထိန်းချုပ်မှု အစီအမံတွေကို ရုတ်သိမ်းလိုက်တာကြောင့် ရောဂါအမျိုးမျိုး ပြန်လည် ပေါ်ပေါက်လာဖို့အတွက် ရေခံမြေခံတွေ ဖန်တီးနေပါတယ်” ဟု ရှန်းကျန့်ပြည်သူ့ဆေးရုံကြီးမှဆေးရုံအုပ်ကြီး လူဟုန်ကျိုက ပြောကြားခဲ့သည်။
ကွန်တုံပြည်နယ်တွင် ၂၀၂၂ခုနှစ် ပထမခြောက်လတွင် ရောဂါဖြစ်ပွားသူပေါင်း ၁၂၆၈၅၀ ကျော်ကို မှတ်ပုံ တင်ခဲ့ပြီး ၂၀၂၁ခုနှစ် ပထမနှစ်ဝက်ထက် ၁၀ ဒသမ ၃၈ ဆ ပိုများကြောင်း လူကပြောကြားခဲ့သည်။
တရုတ်အမျိုးသား တုပ်ကွေးစင်တာ (CNIC) ၏ အစီရင်ခံစာအရ ဧပြီ ၄ ရက်မှ ဇွန်လ ၁၉ ရက်အထိပြည် နယ် ၁၇ ခုတွင် တုပ်ကွေးဖြစ်ပွားသူ ၅၀၇ ဦး (အထက်) တွင် ၅၀၃ ဦးမှာ တရုတ်တောင်ပိုင်းမှဖြစ်ပြီး ၂၀၂၁ ခုနှစ် ကာလတူထက် ၁၃၆ ဦး သိသိသာသာ တိုးလာခဲ့ကြောင်း Global Times သတင်းတွင် ဖော်ပြထားသည်။
