Paper Cut အနုပညာရှင်တစ်ဦးဖြစ်သော ထွေးအောင်လွင်၏ နှလုံးသားမှ အနုပညာ ဟု အမည်ပေးထားသော ဒုတိယအကြိမ်မြောက် တစ်ကိုယ်တော်ပြပွဲကို ပန်းဆိုးတန်းလမ်းမပေါ်ရှိ လောကနတ် ပန်းချီပြခန်းတွင် ပြုလုပ်လျက်ရှိသည်။
ယင်းပြပွဲတွင် အရောင်၊ အလင်းအမှောင်၊ Tone များအလိုက် စက္ကူအလွှာပေါင်း လေးလွှာမှ ရှစ်လွှာအထိ အထပ်ထပ်ကော်ကပ် ဖန်တီးထားသော Layered Paper Cut Art ၊ စက္ကူချပ်ပေါ်တွင် 3D ကဲ့သို့ ရုပ်လုံးပေါ်လွင်အောင် ဓါးချက်ပေါင်းများစွာဖြင့် ပုံဖော်ထားသော Realism Paper Cut Art အစရှိသည့် Paper Cut Art ကားပေါင်း ၄၀ ကျော်ကို ပြသထားကာ မတ်လ ၁ ရက်မှ ၃ ရက်နေ့အထိ ပြသသွားမည် ဖြစ်သည်။
(ဓါတ်ပုံ - ဖြိုးသီဟ၊ မဇ္ဈိမ)