စက်တင်ဘာလ ၂၁ ရက်
စစ်ကိုင်းတိုင်း၊ ကလေးမြို့ ပင်မသပိတ် စစ်ကြောင်းသည် စစ်အာဏာသိမ်းမှု ဆန့်ကျင်ရေး ရက်ပေါင်း ၅၉၂ မြောက်နေ့အဖြစ် ယနေ့ စက်တင်ဘာလ ၂၁ရက်နေ့တွင် ဆက်လက် ချီတက်ဆန္ဒပြကြသည်။
နိုင်ငံတကာ သံတမန်မျက်နှာစာတွင် ပြည်သူများနှင့်အတူ ရပ်တည်လျက်ရှိသော ကုလသမဂ္ဂ သံအမတ်ကြီး ဦးကျော်မိုးထွန်းကို ထောက်ခံကြောင်းပြသည့်အနေဖြင့်" Accept NUG & Our ambassador, Reject Dictator "စာတမ်း အား ကိုင်ဆွဲပြီး စစ်အာဏာရှင် အလိုမရှိကြောင်း ဆန္ဒထုတ်ဖော်ကြခြင်း ဖြစ်သည်။
ကလေးမြို့ ပင်မသပိတ်စစ်ကြောင်းသည် ဖေဖော်ဝါရီလ ၇ ရက် ၂၀၂၁ မှ စတင်၍ နေ့စဉ် မပျက်မကွက် ချီတက် ဆန္ဒပြနေခြင်း ဖြစ်သည်။
စာတည်း ။ ။ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး