စက်တင်ဘာလ ၁၉ ရက်
စစ်ကိုင်းတိုင်း၊ ကလေးမြို့ ပင်မသပိတ် စစ်ကြောင်းသည် စစ်အာဏာသိမ်းမှု ဆန့်ကျင်ရေး ရက်ပေါင်း ၅၉၀ ရက်မြောက်နေ့အဖြစ် ယနေ့စက်တင်ဘာလ ၁၉ ရက်နေ့တွင် ဆက်လက်ချီတက် ဆန္ဒပြသည်။
ဒေသခံကာကွယ်ရေးတပ်ဖွဲ့များ ဝန်းရံလျက် ကုလသမဂ္ဂ သံအမတ်ကြီး ဦးကျော်မိုးထွန်း ကို သံတမန်ရာထူး ဆက်လက်ခန့်အပ်ရန် ထောက်ခံကြောင်း "Accept NUG & Our ambassador, Reject " စာတန်းကို ကိုင်ဆွဲပြီး ပင်မသပိတ်စစ်ကြောင်း နှင့်အတူ ကျောင်းသားလူငယ်များက စစ်အာဏာရှင် အလိုမရှိကြောင်း ဆန္ဒထုတ်ဖော်ကြခြင်း ဖြစ်သည်။
ကလေးမြို့ပင်မသပိတ်စစ်ကြောင်းသည် ဖေဖော်ဝါရီလ ၇ ရက်၊ ၂၀၂၁ မှ စတင်၍ နေ့စဉ် မပျက်မကွက် ချီတက် ဆန္ဒပြနေခြင်း ဖြစ်သည်။
စာတည်း။ ။ဖူးသိမ်ကျ
စာမူတည်းဖြတ်။ ။ သန့်ဇော်(သန်လျင်)
