ဩဂုတ်လ ၁၇ ရက်
ယမန်နေ့ညမှ စတင်ကာ မိုးသည်းထန်စွာ ရွာသွန်းမှုကြောင့် ရန်ကုန်မြို့ရှိ နေရာအတော်အများတွင် ရေကြီးရေလျှံမှုများ ဖြစ်ပေါ်ခဲ့သည်။
ခရီးသည်တင်ယာဥ်များပြေးဆွဲရာ လမ်းမကြီးများပေါ်ထိ ကားဘီးမြုပ်သည့်အနေအထားရောက်အောင် ရေကြီးခဲ့သည့်အတွက် ယနေ့ နံနက်ပိုင်းတွင် သွားလာရေးများ ခက်ခဲခဲ့ရသည်။
အချို့နေရာများတွင် မိုးတိတ်၍ ရေကြီးမှုမလျော့သေးသော်လည်း ရန်ကုန်မြို့လယ်ခေါင်နှင့် အနီးတစ်ဝိုက် ထိစပ်မြို့နယ်များ၌ ရေပြန်ကျသွားပြီဖြစ်သဖြင့် ယခု နေ့လယ်ပိုင်းမှစတင်ကာ ပုံမှန်အတိုင်းပြန်လည် သွားလာနိုင်ပြီဖြစ်သည်။
မြို့နယ်အချို့ရှိ ရပ်ကွက်အတွင်းလမ်းကြားများတွင် မြောင်းရေတက်ခြင်းမှစ၍ အိမ်အတွင်းသို့ ရေဝင်မှုများလည်းရှိသည်ကို ကြားသိရပြီး ၎င်းအခြေအနေများကိုပါ မဇ္ဈိမမှ ဆက်လက်ဖော်ပြပေးမည် ဖြစ်သည်။
စာတည်း - သန့်ဇော်(သန်လျင်)