မိုးဇလပညာရှင် ဒေါက်တာထွန်းလွင် ကွယ်လွန်သွားပြီဟု ပြည်တွင်းလူမှုကွန်ရက်စာမျက်နှာများတွင် ပျံ့နှံ့နေသော သတင်းများမှာ ကောလာဟလသာဖြစ်ကြောင်း ဒေါက်တာထွန်းလွင်၏ သမီးဖြစ်သူက ပြန်လည်ရှင်းလင်းထားသည်။
"စိတ်ပူပေးကြတဲ့သူအားလုံး ဆုတောင်းပေးကြတဲ့သူအားလုံး ကျေးဇူးတင်ပါတယ်။ ဖေဖေသက်သာလာပါပြီ။ ဆုံးတယ်ဆိုတာ ကောလဟာလပါ။"ဟု ဒေါက်တာထွန်းလွင်၏ သမီးတစ်ဦးဖြစ်သော မမြတ်စုထွန်းလွင်က သူ့၏လူမှုကွန်ရက်တွင် ရေးသားထားသည်။
ဆရာကြီးဒေါက်တာထွန်းလွင်သည် Grand Hantha ဆေးရုံတွင် ဆေးကုသမှု ခံယူနေပြီး ကျန်းမာရေး ပြန်လည်ကောင်းမွန်ကာ စိုးရိမ်ဖွယ်ရာ မရှိကြောင်း သူ့၏ မိသားစုဝင်များက လူမှုကွန်ရက်မှတဆင့် ရေးသားထားကြသည်။
ဆေးကုသမှုခံယူနေသည့် မိုးလေဝသပညာရှင် ဒေါက်တာထွန်းလွင်၏ လက်ရှိ ကျန်းမာရေးမှာ ကောင်းမွန်ကြောင်း Grand Hantha ဆေးရုံမှ တာဝန်ကျဝန်းထမ်းတစ်ဦးကလည်း မဇ္စျိမကို အတည်ပြုထားသည်။
"ဆရာကြီး ကျန်းမာပါတယ်။ အခု ဆေးသောက်နေပါတယ်"ဟု အဆိုပါ ဝန်ထမ်းက ပြောသည်။