“စနိုက်ပါတစ်ယောက်ဖို့ လေ့ကျင့်မှုတွေ၊ အချိန်တွေ၊ ချွေးတွေ၊ သွေးတွေပေးဆပ်ခဲ့ရပါတယ်။ ခွဲခြားဆက်ဆံမှုမရှိဘဲ၊ အချင်းချင်းဖေးမကူညီမှုတွေနဲ့ တစ်ယောက်နဲ့တစ်ယောက်လဲမကျအောင်တွဲခေါ်ခဲ့ကြပါတယ်။ Sniperတွေရဲ့လေ့ကျင့်မှုအခြေခံလေးတွေကိုကျွန်တော်တို့ရဲ့ပြည်သူတွေကိုမျှဝေထားခြင်းဖြစ်ပါတယ်” လို့ စနိုက်ပါသင်တန်းပေးနေတဲ့ ပြည်သူ့ကာကွယ်ရေးတပ်ဖွဲ့တောင်ပိုင်းတိုင်းစစ်ဌာနချုပ် မြို့မစခန်း Sniper Myoma SC က ပြည်သူသို့သတင်းစကားပါးထားသည်။

ပြည်သူ့ကာကွယ်ရေးတပ်ဖွဲ့တောင်ပိုင်းတိုင်းစစ်ဌာနချုပ် မြို့မစခန်း Sniper Myoma SC မှ တပ်သားများလေ့ကျင့်နေမှုကို ပြည်သူတွေကို လူမှုကွန်ရက်ကနေတစ်ဆင့် ဖေဖော်ဝါရီလ ၁၆ ရက်မှာ ထုတ်ပြန်လာတာပါ။

တော်လှန်ရေး PDF တပ်သားတွေရဲ့ အပြင်းအထန်လေ့ကျင့်နေမှုပုံရိပ်တွေကိုလည်း အဆိုပါ အဖွဲ့က ရုပ်သံဖိုင်နဲ့တကွ ထုတ်ပြန်ထားပါတယ်။