ဖေဖော်ဝါရီလ ၁၅ ရက်
ချင်းပြည်နယ်ရှိ ချင်းဒေသကာကွယ်ရေးအဖွဲ့ဖြစ်သည့် CDF ထိန်းချုပ်နယ်မြေအချို့ရှိ စာသင် ကျောင်းများတွင် ချင်းအလံများလွှင့်ထူ၍ ကလေးများကို ပညာသင်ကြားပေးလျက်ရှိကြောင်း ဒေသခံများထံက သိရသည်။
မင်းတပ်မြို့နယ်နှင့် ထန်တလန်မြို့နယ်ရှိ ချင်းဒေသကာကွယ်ရေးအဖွဲ့ (CDF) ထိန်းချုပ်နယ်မြေများတွင် ကျောင်းသား၊ ကျောင်းသူများ ထောင်နှင့်ချီပြီးစာသင်ကြားနေကြသည့်အပြင် ပထမဆုံး အပြောင်း အလဲတစ်ခုဖြစ်သည့် စာသင်ကျောင်းများတွင် ချင်းအလံကို လွှင့်ထူပြီး ကျောင်းတက်နေကြခြင်းဖြစ်သည်။
"ဒီမြင်ကွင်းကိုကြည့်ပြီး ဝမ်းသာပီတိဖြစ်ရတယ်"ဟုဆိုလာသူ စေတနာ့ဝန်ထမ်းအဖြစ် ရွာတစ်ရွာ၌ စာသင်ကြား ပေးနေသည့် ဆရာတစ်ဦးကို မဇ္ဈိမက ဆက်သွယ်မေးမြန်းထားသည်။
