ဇန်နဝါရီ ၅
ထားဝယ်ခရိုင်၊ သရက်ချောင်းမြို့နယ် စော်ဖျားကျေးရွာတွင် ယမန်နေ့က ပျူစောထီး အဖွဲ့ဝင်ဟု ဆိုသူ အမျိုးသား တစ်ဦး အသတ်ခံခဲ့ရကြောင်း ဒေသခံများထံမှ သိရသည်။
အသတ်ခံရသူမှာ ကိုဘီ ဆိုသူဖြစ်ပြီး ၎င်းသည် ဇန်နဝါရီလ ၄ ရက်နေ့ ညနေ ၃ နာရီ ဝန်းကျင်ခန့်တွင် စော်ဖျားရွာမှ ကျောက်လှေကားရွာသို့ သွားသည့် လမ်း၌ ဖမ်းဆီးခံရပြီးနောက် အသတ်ခံခဲ့ရခြင်း ဖြစ်ကြောင်း ဒေသခံ တစ်ဦးက ပြောသည်။
သေဆုံးသူ ကိုဘိ သည် အသက် (၄၀) ဝန်းကျင်ဖြစ်ပြီး ပျူစောထီး အဖွဲ့ဝင်ဟု နာမည်ထွက်နေသူ ဖြစ်ကာ မည်သည့်အဖွဲ့က သတ်ခဲ့သည်ကိုမူ ထုတ်ပြန်ခြင်း မရှိသေးပေ။
