ဒီဇင်ဘာ ၃၁

မန္တလေးမြို့တွင် ယနေ့ ဒီဇင်ဘာလ ၃၀ရက် နံနက်ပိုင်းက နှစ်သစ်ကို ကြိုဆိုသော ပုံရိပ်တစ်ခုအဖြစ် တော်လှန်ရေးအင်အားစုများက လူမဲ့သပိတ်ဆန္ဒထုတ်ဖော်မှု ပြုလုပ်ခဲ့ကြသည်။

မန္တလေးမြို့ ၃၈ လမ်းနှင့် ၇၄ လမ်းထောင့်အနီးပြုလုပ်ခဲ့ကြခြင်းဖြစ်ပြီး အဆိုပါလူမဲ့သပိတ်၌ “ပြည်သူများ(လုံး၀)မထိရ” စာသားပါအန္တရာယ်သတိပေး ချက်နှင့်အတူ “စစ်ခွေး ရဲခွေး ဘယ်ကောင်သေရဲလဲ”၊ “ငါတို့အမဲလိုက်မယ့်အလှည့်ရောက်ပြီ”၊ “သွေးကြွေးမှာဆွေးနွေးစရာမရှိ” “ဘယ်တော့မှသွေးမကွဲမယ့် NUG PDF & UG” အစရှိသည့်စာသားပါဆိုင်းဘုတ်များပါ၀င်သည်ကိုတွေ့ရသည်။

အဆိုပါလူမဲ့သပိတ်ဆန္ဒပြလှုပ်ရှားမှုတွင် နွေဦးတော်လှန်ရေးလက်ကမ်းစာရွက်များလည်း ဖြန့်ကြဲခဲ့ကြသည်။