တရုတ်အာဏာပိုင်တို့က ခွင့်မပြုသော တီအန်မင်ရင်ပြင် ဆန္ဒပြသူများအား ၂၀၂၀ပြည့်နှစ်က ဖြိုခွင်းမှု နှစ်ပတ်လည် ဆုတောင်းပွဲတွင် ပါဝင်ရန် တိုက်တွန်းဆော်ဩခြင်းကြောင့် ဒီမိုကရေစီအရေး တက်ကြွလှုပ်ရှားသူနှင့် စီးပွားရေးလုပ်ငန်းရှင် သူဌေးကြီး ဂျင်မီလိုင်အား ဟောင်ကောင်ခရိုင်တရားရုံးက ထောင်ဒဏ် ၁၃ လ ချမှတ်ခဲ့သည်။
ဟောင်ကောင်ဥပဒေပြုကာင်စီသည် လွန်ခဲ့သည့် ၂ နှစ်အတွင်း ဖယောင်းတိုင် မီးထိန်းညှိသည့်အထိမ်းအမှတ်ပွဲအား ကိုဗစ်-၁၉ ရောဂါကို ထိန်းချုပ်ရန် ပိတ်ပင်ခဲ့သည်ဆိုသော်လည်း အဆိုပါပိတ်ပင်မှုသည် နောင်တွင်လည်းဖြစ်လာနိုင်သည်ဟု လက်ခံယုံကြည်ထားကြသည်။
ယခုပိတ်ခံထားရသော ဒီမိုကရေစီကို ထောက်ခံသည့် Apple Daily ကို တည်ထောင်သူ လိုင်သည် ဒီမိုကရေစီဆန္ဒပြပွဲများတွင် ပါဝင်ခဲ့မှုအတွက် ထောင်ဒဏ် စုစုပေါင်း လ ၂၀ကျခံရမည်ဖြစ်သည်။
နောက်ဆုံးအမှုတွင်၊ ၁၉၈၉ခုနှစ် တီအန်မင်အစုလိုက်အပြုံလိုက်သတ်ဖြတ်ခံခဲ့ရသူများအား အောက်မေ့ဖွယ် အထိမ်းအမှတ်အဖြစ် ခွင့်ပြုချက်မရသည့် စုဝေးမှုတွင်ပါဝင်ရန် အခြားသူများကို လှုံ့ဆော်မှုဖြင့် ၎င်းကို ဒီဇင်ဘာ ၉ရက်တွင် ပြစ်ဒဏ်ချမှတ်ခဲ့ခြင်းဖြစ်သည်။
လိုင်နှင့် အတူ ရှေ့နေ ချိုဟန်တန်နှင့် သတင်းထောက်ဟောင်း ကွေနက်ဟိုတို့ ဆုတောင်းပွဲတွင် ပါဝင်ခြင်း အတွက် ထောင်ဒဏ် ၁၂ လနှင့် ၆ လ အသီးသီး ချမှတ်ခံခဲ့ရသည်။
ချိုသည်လည်း အခြားသူများကို ပူးပေါင်းရန် လှုံ့ဆော်မှုဖြင့် ထောင်ဒဏ်ချမှတ်ခံခဲ့ရသည်။
၎င်းတို့သုံးဦးက စွဲချက်များအတွက် အပြစ်မရှိကြောင်း ပြောကြားခဲ့သည်။
ကျန်လူများကိုလည်း ၄လ၊ ၂ပတ်မှ ၉လအထိ ထောင်ဒဏ်များ ချမှတ်ခဲ့သည်။
ဟောင်ကောင်မဟာမိတ်အဖွဲ့သည် ပေကျင်းတွင် ၁၉၈၉ခုနှစ် အကြမ်းဖက်ဖြိုခွင်းမှု၏ လူထုအထိမ်း အမှတ် အဖြစ် ဇွန်လတိုင်းတွင် ဖယောင်းတိုင်မီးထွန်းပြီး အောက်မေ့ဖွယ်အထိမ်းအမှတ်ပွဲကို ကျယ်ကျယ်ပြန့်ပြန့်ပြုသည့် တစ်ခုတည်းသော အဖွဲ့ဖြစ်သည်။
