ဒီဇင်ဘာလ ၁၉ ရက်
ကချင်ပြည်နယ် ဖားကန့်မြို့ရှိ ကျောက်စိမ်းလုပ်ကွက်တစ်ခုတွင် စက်ယန္တရားများဖြင့် ကျောက်ရှာဖွေနေချိန်တွင် မြေပြိုမှုဖြစ်ပွားရာ အနည်းဆုံး လူ ၁၀ ဦး ပျောက်ဆုံးလျက်ရှိပြီး အသက်ရှင်လျက်ပြန်တွေ့ဖို့အခွင့်အလမ်းနည်းသွားပြီဟု ရှာဖွေကယ်ဆယ်ရေးသမားများက မဇ္ဈိမကိုပြောသည်။
မနမှော်အနားရှိ ကျောက်စိမ်းလုပ်ကွက်တွင် ယနေ့နံနက် ၂ နာရီခန့်က မြေပြိုမှုကြောင့် ရေကန်ထဲ မြေစာပစ်ကားနှင့်အတူ ယာဉ်မောင်းသမား၊ ကားပြနှင့် ရေမဆေးကျောက်ရှာနေသူများ မြေပြိုသည့်အထဲပါသွားခဲ့သည်။
ကျောက်စိမ်းလုပ်ကွက်တွင် မြေစာတင်ကားများတွင် ယာဉ်မောင်းကိုကူညီလမ်းပြပေးသူ ယာဉ်နောက်လိုက်ကို ကားပြဟု ခေါ်လေ့ရှိသည်။
မြေပြိုမှုဖြစ်ပွားနောက် နံနက်လင်းချိန်ကတည်းက ရှာဖွေကယ်ဆယ်ရေးများကို လှေများနှင့်ပါလုပ်ဆောင်လျက်ရှိသော်လည်း ယခုသတင်းပေးပို့အချိန်အထိ တစ်ဦးတစ်ယောက်မှရှာဖွေတွေ့ရှိခြင်းမရှိသေးကြောင်းနှင့်အသက်ရှင်လျက်ပြန်တွေ့ဖို့ " အခွင့်အလမ်းနည်း အရမ်းနည်းသွားပြီ" ဟု ကယ်ဆယ်ရေးလုပ်ဆောင်သူများကပြောသည်။
